Almatyda Jańa jyl merekesi qarsańynda qala turǵyndary men qonaqtary úshin keń aýqymdy mádeni oiyn-saýyq baǵdarlamalary uiymdastyrylady. Merekelik is-sharalar qaladaǵy basty alańdar men mádeni nysandarda ótedi, dep habarlaidy Dalanews.kz.
26 jeltoqsan kúni saǵat 19:00-de Abai alańynda «Almaty áýenderi» shyǵarmashylyq ujymy jańa jylǵa arnalǵan «Kel, Jańa jyl!» atty merekelik kontserttik baǵdarlamasyn usynady. Kontsert barysynda otandyq estradanyń tanymal juldyzdary Dálel Ýáshev, Óktem Altaev, Dimash Dáýletov, Tahmina Áshimbekova, «Mýzart life» toby, Erik Tólenov, Ashat Tarǵyn, Lara Rysbai, DARO, Injý Ánýarbek, Ǵarifa Igisinova, Beibitgúl Nurymhojina jáne Abik Jeksen kópshilikke keńinen tanymal hit ánderdi oryndaidy. Baǵdarlama barlyq jastaǵy kórermenge arnalǵan.
27-28 jeltoqsan kúnderi 18:30-20:00 aralyǵynda Abai alańynda jańa jyldyq gala-kontsert ótedi. Merekelik keshte ulttyq óner men zamanaýi mýzykanyń úilesimin usynatyn erekshe baǵdarlama kórermen nazaryna usynylady. Sahnada:
• «Alataý» dástúrli óner teatrynyń artisteri;
• Toqtar men Beibit;
• «Meloman» toby;
• Qýandyq Rahym;
• «Ulytaý» toby;
• Qosqanat pen Gaýhar;
• «KeshYOU» toby;
• Ulanǵasyr Qami;
• Áset Esjan óner kórsetedi.
Bul kesh merekelik kóńil-kúimen, otbasy men dostardyń janynda Jańa jyldy erekshe atap ótýge jol ashady.
Sondai-aq, 27-28 jeltoqsan kúnderi saǵat 12:00-22:00 aralyǵynda Panfilov kóshesinde «Panfilovtaǵy Jańa jyl» festivaliniń negizgi kezeńi ótedi. Festival aiasynda úsh metrlik marionetkalar, akterler men zamanaýi jaryq effektileriniń kómegimen immersivti teatrlandyrylǵan qoiylym kórsetiledi. Erekshe stsenarii boiynsha jazylǵan almatylyq jańa ertegige negizdelgen bul qoiylym balalar men eresekterdi keiipkerlermen etene aralasýǵa shaqyrady.
Festival aýmaǵynda qalalyq snow-park jumys istep, kórsetilimdik syrǵanaýlar men sporttyq jarystar uiymdastyrylady. Jańa talanttardy anyqtaý maqsatynda jas mýzykanttar baiqaýy ótkiziledi. Festival aiasynda «Eko-shyrsha» baiqaýy qorytyndylanyp, jeńimpazdar aqshalai syilyqtarmen marapattalady.
31 jeltoqsan kúni Astana alańynda saǵat 18:00-den 00:30-ǵa deiin jalǵasatyn basty jańa jyldyq kontsert ótedi. Kesh barysynda Maqpal Isabekova, Álisher Karimov, Aqylbek Jemenei, Beibit Qorǵan, Ringo toby, Ninety One toby, Ayree, Astra toby, Dakelot, Dáýlet Janbolat syndy tanymal estrada juldyzdary óner kórsetedi.
Kontsert baǵdarlamasynyń erekshe bólimi – DJ BATTLE. Batl barysynda didjeiler jańa jyldyq áýender men tanymal hitterdi zamanaýi árleýde usynatyn avtorlyq miksterin oryndap, keshke erekshe dinamika men atmosfera syilaidy.
Qazaq memlekettik tsirkinde 11 qańtarǵa deiin «CHRISTMAS STARS» atty jańa jyldyq shoý-premeranyń kórsetilimi jalǵasady. Bul meiirim, dostyq pen ǵajaiypqa toly, eresekter men balalarǵa arnalǵan birtutas siýjetke qurylǵan merekelik qoiylym. Baǵdarlamada qolǵa úiretilgen ekzotikalyq qustar men janýarlar – totyqustar, shimpanzeler, ásem júristi attar, shaǵyn tuqymdy itter jáne kórermenderdiń súiiktisi aiýqyzy Iana óner kórsetedi.
29 jeltoqsan men 04 qańtar aralyǵynda Memlekettik qýyrshaq teatrynda balalar men eresekterge arnalǵan «Mýlti Jańa jyl» merekelik oiyn-saýyqtyq baǵdarlamasy ótedi. Kishkentai búldirshinder túrli ǵalamdarǵa saiahat jasap, Lilo men Stich, Esh pen Pikachý, Kiki men Narýto jáne taǵy da basqa áigili qaharmandarmen tanysyp, meiirimdi Aiaz Atanyń kómegimen ertegiler álemi Qýyrshaqtar eline jol tartady.
Sonymen qatar, qalanyń 8 aýdanynda arnaiy bezendirilgen oryndarda kún saiyn Aiaz Ata men ertegi keiipkerler qatysatyn merekelik kontsertter, oiyn-saýyq baǵdarlamalary men interaktivti oiyndar ótedi.
