الماتىدا جاڭا جىل مەرەكەسٸ قارساڭىندا قالا تۇرعىندارى مەن قوناقتارى ٷشٸن كەڭ اۋقىمدى مەدەني ويىن-ساۋىق باعدارلامالارى ۇيىمداستىرىلادى. مەرەكەلٸك ٸس-شارالار قالاداعى باستى الاڭدار مەن مەدەني نىسانداردا ٶتەدٸ, دەپ حابارلايدى Dalanews.kz.
26 جەلتوقسان كٷنٸ ساعات 19:00-دە اباي الاڭىندا «الماتى ەۋەندەرٸ» شىعارماشىلىق ۇجىمى جاڭا جىلعا ارنالعان «كەل, جاڭا جىل!» اتتى مەرەكەلٸك كونتسەرتتٸك باعدارلاماسىن ۇسىنادى. كونتسەرت بارىسىندا وتاندىق ەسترادانىڭ تانىمال جۇلدىزدارى دەلەل ۋەشەۆ, ٶكتەم التاەۆ, ديماش دەۋلەتوۆ, تاحمينا ەشٸمبەكوۆا, «مۋزارت life» توبى, ەرٸك تٶلەنوۆ, اسحات تارعىن, لارا رىسباي, DARO, ٸنجۋ ەنۋاربەك, عاريفا يگٸسٸنوۆا, بەيبٸتگٷل نۇرىمحوجينا جەنە ابيك جەكسەن كٶپشٸلٸككە كەڭٸنەن تانىمال حيت ەندەردٸ ورىندايدى. باعدارلاما بارلىق جاستاعى كٶرەرمەنگە ارنالعان.
27-28 جەلتوقسان كٷندەرٸ 18:30-20:00 ارالىعىندا اباي الاڭىندا جاڭا جىلدىق گالا-كونتسەرت ٶتەدٸ. مەرەكەلٸك كەشتە ۇلتتىق ٶنەر مەن زاماناۋي مۋزىكانىڭ ٷيلەسٸمٸن ۇسىناتىن ەرەكشە باعدارلاما كٶرەرمەن نازارىنا ۇسىنىلادى. ساحنادا:
• «الاتاۋ» دەستٷرلٸ ٶنەر تەاترىنىڭ ارتيستەرٸ;
• توقتار مەن بەيبٸت;
• «مەلومان» توبى;
• قۋاندىق راحىم;
• «ۇلىتاۋ» توبى;
• قوسقانات پەن گاۋحار;
• «كەشYOU» توبى;
• ۇلانعاسىر قامي;
• ەسەت ەسجان ٶنەر كٶرسەتەدٸ.
بۇل كەش مەرەكەلٸك كٶڭٸل-كٷيمەن, وتباسى مەن دوستاردىڭ جانىندا جاڭا جىلدى ەرەكشە اتاپ ٶتۋگە جول اشادى.
سونداي-اق, 27-28 جەلتوقسان كٷندەرٸ ساعات 12:00-22:00 ارالىعىندا پانفيلوۆ كٶشەسٸندە «پانفيلوۆتاعى جاڭا جىل» فەستيۆالٸنٸڭ نەگٸزگٸ كەزەڭٸ ٶتەدٸ. فەستيۆال اياسىندا ٷش مەترلٸك ماريونەتكالار, اكتەرلەر مەن زاماناۋي جارىق ەففەكتٸلەرٸنٸڭ كٶمەگٸمەن يممەرسيۆتٸ تەاترلاندىرىلعان قويىلىم كٶرسەتٸلەدٸ. ەرەكشە ستسەناريي بويىنشا جازىلعان الماتىلىق جاڭا ەرتەگٸگە نەگٸزدەلگەن بۇل قويىلىم بالالار مەن ەرەسەكتەردٸ كەيٸپكەرلەرمەن ەتەنە ارالاسۋعا شاقىرادى.
فەستيۆال اۋماعىندا قالالىق snow-park جۇمىس ٸستەپ, كٶرسەتٸلٸمدٸك سىرعاناۋلار مەن سپورتتىق جارىستار ۇيىمداستىرىلادى. جاڭا تالانتتاردى انىقتاۋ ماقساتىندا جاس مۋزىكانتتار بايقاۋى ٶتكٸزٸلەدٸ. فەستيۆال اياسىندا «ەكو-شىرشا» بايقاۋى قورىتىندىلانىپ, جەڭٸمپازدار اقشالاي سىيلىقتارمەن ماراپاتتالادى.
31 جەلتوقسان كٷنٸ استانا الاڭىندا ساعات 18:00-دەن 00:30-عا دەيٸن جالعاساتىن باستى جاڭا جىلدىق كونتسەرت ٶتەدٸ. كەش بارىسىندا ماقپال يسابەكوۆا, ەلٸشەر كاريموۆ, اقىلبەك جەمەنەي, بەيبٸت قورعان, Ringo توبى, Ninety One توبى, Ayree, Astra توبى, Dakelot, دەۋلەت جانبولات سىندى تانىمال ەسترادا جۇلدىزدارى ٶنەر كٶرسەتەدٸ.
كونتسەرت باعدارلاماسىنىڭ ەرەكشە بٶلٸمٸ – DJ BATTLE. باتل بارىسىندا ديدجەيلەر جاڭا جىلدىق ەۋەندەر مەن تانىمال حيتتەردٸ زاماناۋي ەرلەۋدە ۇسىناتىن اۆتورلىق ميكستەرٸن ورىنداپ, كەشكە ەرەكشە ديناميكا مەن اتموسفەرا سىيلايدى.
قازاق مەملەكەتتٸك تسيركٸندە 11 قاڭتارعا دەيٸن «CHRISTMAS STARS» اتتى جاڭا جىلدىق شوۋ-پرەمەرانىڭ كٶرسەتٸلٸمٸ جالعاسادى. بۇل مەيٸرٸم, دوستىق پەن عاجايىپقا تولى, ەرەسەكتەر مەن بالالارعا ارنالعان بٸرتۇتاس سيۋجەتكە قۇرىلعان مەرەكەلٸك قويىلىم. باعدارلامادا قولعا ٷيرەتٸلگەن ەكزوتيكالىق قۇستار مەن جانۋارلار – توتىقۇستار, شيمپانزەلەر, ەسەم جٷرٸستٸ اتتار, شاعىن تۇقىمدى يتتەر جەنە كٶرەرمەندەردٸڭ سٷيٸكتٸسٸ ايۋقىزى يانا ٶنەر كٶرسەتەدٸ.
29 جەلتوقسان مەن 04 قاڭتار ارالىعىندا مەملەكەتتٸك قۋىرشاق تەاترىندا بالالار مەن ەرەسەكتەرگە ارنالعان «مۋلتي جاڭا جىل» مەرەكەلٸك ويىن-ساۋىقتىق باعدارلاماسى ٶتەدٸ. كٸشكەنتاي بٷلدٸرشٸندەر تٷرلٸ عالامدارعا ساياحات جاساپ, ليلو مەن ستيچ, ەش پەن پيكاچۋ, كيكي مەن نارۋتو جەنە تاعى دا باسقا ەيگٸلٸ قاھارماندارمەن تانىسىپ, مەيٸرٸمدٸ اياز اتانىڭ كٶمەگٸمەن ەرتەگٸلەر ەلەمٸ قۋىرشاقتار ەلٸنە جول تارتادى.
سونىمەن قاتار, قالانىڭ 8 اۋدانىندا ارنايى بەزەندٸرٸلگەن ورىنداردا كٷن سايىن اياز اتا مەن ەرتەگٸ كەيٸپكەرلەر قاتىساتىن مەرەكەلٸك كونتسەرتتەر, ويىن-ساۋىق باعدارلامالارى مەن ينتەراكتيۆتٸ ويىندار ٶتەدٸ.
