Almatyda zańsyz investitsiialyq qyzmetke bailanysty iri alaiaqtyq deregi tergelip jatyr. Bul týraly Qarjy monitoringi agenttigi málimdedi, dep habarlaidy Dalanews.kz.
Tergeý málimetine sáikes, 2013–2021 jyldar aralyǵynda kúdikti azamattardy ómirdi saqtandyrý jáne jinaqtaýshy saqtandyrý baǵdarlamalaryna investitsiia salýǵa úgittep, qarjy jymqyrý shemasyn uiymdastyrǵan. Ol "Partners & Consultants" atty joba arqyly turǵyndarǵa turaqty tabys ýáde etken.
Nátijesinde 270 adamǵa 620 mln teńgeden astam shyǵyn keltirilgen.
Agenttik málimetinshe, salymshylardy aqsha aýdarýǵa kóndirý úshin qarajatty kúdikti baqylaýyndaǵy "Evroasia Global Investment" AQ jáne "Evropa Investment" JShS esepshottaryna jiberý usynylǵan. Investorlarǵa jylyna 12%-ǵa deiin turaqty tabys ýáde etilgen.
Jobanyń senimdiligin kórsetý maqsatynda kúdikti jalǵan halyqaralyq saqtandyrý baǵdarlamalary men sertifikattarǵa siltemeler usynǵan. Salymshylardan aqsha qolma-qol emes aýdarym arqyly qabyldanyp, keiin uzaqmerzimdi depozit pen investitsiialyq mindettemelerdi rastaityn jalǵan qujattar berilgen.
Tergeý barysynda zańsyz alynǵan qarajattyń jyljymaityn jáne jyljymaly múlik satyp alýǵa jumsalǵany anyqtaldy. Qazirgi ýaqytta atalǵan múlikke ielik etýge shekteý qoiylǵan. Tergeý amaldary jalǵasyp jatyr.
