الماتىدا زاڭسىز ينۆەستيتسييالىق قىزمەتكە بايلانىستى ٸرٸ الاياقتىق دەرەگٸ تەرگەلٸپ جاتىر. بۇل تۋرالى قارجى مونيتورينگٸ اگەنتتٸگٸ مەلٸمدەدٸ, دەپ حابارلايدى Dalanews.kz.
تەرگەۋ مەلٸمەتٸنە سەيكەس, 2013–2021 جىلدار ارالىعىندا كٷدٸكتٸ ازاماتتاردى ٶمٸردٸ ساقتاندىرۋ جەنە جيناقتاۋشى ساقتاندىرۋ باعدارلامالارىنا ينۆەستيتسييا سالۋعا ٷگٸتتەپ, قارجى جىمقىرۋ سحەماسىن ۇيىمداستىرعان. ول "Partners & Consultants" اتتى جوبا ارقىلى تۇرعىندارعا تۇراقتى تابىس ۋەدە ەتكەن.
نەتيجەسٸندە 270 ادامعا 620 ملن تەڭگەدەن استام شىعىن كەلتٸرٸلگەن.
اگەنتتٸك مەلٸمەتٸنشە, سالىمشىلاردى اقشا اۋدارۋعا كٶندٸرۋ ٷشٸن قاراجاتتى كٷدٸكتٸ باقىلاۋىنداعى "Evroasia Global Investment" اق جەنە "Evropa Investment" جشس ەسەپشوتتارىنا جٸبەرۋ ۇسىنىلعان. ينۆەستورلارعا جىلىنا 12%-عا دەيٸن تۇراقتى تابىس ۋەدە ەتٸلگەن.
جوبانىڭ سەنٸمدٸلٸگٸن كٶرسەتۋ ماقساتىندا كٷدٸكتٸ جالعان حالىقارالىق ساقتاندىرۋ باعدارلامالارى مەن سەرتيفيكاتتارعا سٸلتەمەلەر ۇسىنعان. سالىمشىلاردان اقشا قولما-قول ەمەس اۋدارىم ارقىلى قابىلدانىپ, كەيٸن ۇزاقمەرزٸمدٸ دەپوزيت پەن ينۆەستيتسييالىق مٸندەتتەمەلەردٸ راستايتىن جالعان قۇجاتتار بەرٸلگەن.
تەرگەۋ بارىسىندا زاڭسىز الىنعان قاراجاتتىڭ جىلجىمايتىن جەنە جىلجىمالى مٷلٸك ساتىپ الۋعا جۇمسالعانى انىقتالدى. قازٸرگٸ ۋاقىتتا اتالعان مٷلٸككە يەلٸك ەتۋگە شەكتەۋ قويىلعان. تەرگەۋ امالدارى جالعاسىپ جاتىر.
