Almatyda Bostandyq aýdanynda árqaısysy 500 adam qabyldaı alatyn eki jańa emhana salynady. Bul týraly Almaty ákimi Erbolat Dosaev aýdan turǵyndarymen kezdesýinde aıtty, - dep habarlaıdy Dalanews.kz
Birinshi emhananyń qurylysy Serkebaev dańǵyly men Levıtan kóshesiniń qıylysynda bastalyp ketti. Ony qarasha aıynda aıaqtaý josparlanǵan.
Ekinshi emhananyń qurylysy maýsym aıynda Ál-Farabı dańǵyly men Sanatorıı kóshesiniń qıylysynda memlekettik saraptama maquldanǵan soń bastalady.
Eki emhana da zamanaýı standarttarǵa saı bolady. Olarda KT jáne MRT apparattarymen jabdyqtalǵan klınıkalyq-dıagnostıkalyq ortalyqtar qarastyrylǵan.
Perınatologıa jáne balalar kardıohırýrgıasy ortalyǵynyń emhanasynda kúrdeli jóndeý aıaqtaldy — qazir onda jaıly jaǵdaı jasalyp, zamanaýı qural-jabdyqtar ornatylǵan.
Qazirgi tańda kúrdeli jóndeýdiń sońǵy kezeńinde:
- № 4 emhananyń fılıaly (Orbıta-2 sh/a., 29A);
- № 12 emhana (Popov kóshesi, 23) — jumystyń 90%-y aıaqtaldy, nysan kóktemde paıdalanýǵa beriledi.
Aýdan turǵyndary úshin medısınalyq qyzmetterdiń qoljetimdiligi men sapasyn jaqsartý jumystary jalǵasýda.
