Almatyda sot sheshimi boiynsha eki qabatty taýnhaýs buzyldy. Bul týraly Almatynyń Qala qurylysyn baqylaý basqarmasy málim etti, dep habarlaidy Dalanews.kz
Basqarmanyń habarlaýynsha, Asqartaý shaǵyn aýdany Jansaia kóshesi 17B mekenjaidaǵy qulyptalǵan úi buzyldy.
Buryn jospardan tys tekserý nátijeleri boiynsha menshik iesine qatysty ruqsat qujattary tolyq paketiniń bolmaýyna bailanysty ákimshilik sharalar qabyldandy jáne buzýshylyqtardy joiýǵa nusqama berildi.
Nusqama merzimi aiaqtalǵannan keiin basqarma Almaty qalasynyń Bostandyq aýdandyq sotyna buzýǵa talap aryz berdi. 2024 jylǵy 2 mamyrda Almaty qalalyq sotynyń qaýlysymen birinshi satydaǵy sot buzý týraly sheshim ózgerissiz qaldy. Keiin Ádilet Departamentinde atqarýshylyq is qozǵaldy.
Nysandy bólshekteý sot oryndaýshylarynyń qatysýymen bastaldy.
Esterińizge sala keteiik, Almaty ákimi Erbolat Dosaevtyń qurylysqa baqylaýdy kúsheitý jónindegi tapsyrmasy aiasynda 2023 jyldyń basynan beri 72 zańsyz nysan, onyń ishinde «Mechta», KHAN jáne basqa da turǵyn úi keshenderi tolyǵymen nemese ishinara buzylǵan.
