Almatynyń Qala qurylysyn baqylaý basqarmasy Tilendiev kóshesi, 137-úi mekenjaiynda ornalasqan nysannyń buzylyp jatqanyn málim etti, - dep habarlaidy Dalanews.kz
Buǵan deiin basqarma jospardan tys tekseris júrgizip, menshik iesine (jeke tulǵa) ruqsat qujattarynyń tolyq bolmaýyna bailanysty ákimshilik sharalar qoldanǵan. Anyqtalǵan zańbuzýshylyqtardy joiý týraly nusqama berilip, keiin nysandy buzý týraly talap aryz sotqa joldanǵan.
2024 jyly 23 mamyrda Almaly aýdandyq soty basqarmanyń talap aryzyn qanaǵattandyryp, nysandy zańsyz dep tanydy. Al ótken jyldyń 20 tamyzynda Almaty qalalyq soty birinshi satydaǵy sottyń sheshimin ózgerissiz qaldyrdy.
Sot sheshimin oryndaý maqsatynda menshik iesi ǵimaratty buzý jumystaryn bastap ketti.
Esterińizge sala keteiik, Almaty ákimi Erbolat Dosaevtyń qurylysqa baqylaýdy kúsheitý jónindegi tapsyrmasy aiasynda 2023 jyldyń basynan beri 73 zańsyz nysan, sonyń ishinde «Mechta», KHAN turǵyn úi keshenderi jáne t.b. tolyq nemese jartylai buzylǵan.
