الماتىنىڭ قالا قۇرىلىسىن باقىلاۋ باسقارماسى تىلەندييەۆ كوشەسى، 137ء-ۇي مەكەنجايىندا ورنالاسقان نىساننىڭ بۇزىلىپ جاتقانىن ءمالىم ەتتى، - دەپ حابارلايدى Dalanews.kz
بۇعان دەيىن باسقارما جوسپاردان تىس تەكسەرىس جۇرگىزىپ، مەنشىك يەسىنە (جەكە تۇلعا) رۇقسات قۇجاتتارىنىڭ تولىق بولماۋىنا بايلانىستى اكىمشىلىك شارالار قولدانعان. انىقتالعان زاڭبۇزۋشىلىقتاردى جويۋ تۋرالى نۇسقاما بەرىلىپ، كەيىن نىساندى بۇزۋ تۋرالى تالاپ ارىز سوتقا جولدانعان.
2024 جىلى 23 مامىردا المالى اۋداندىق سوتى باسقارمانىڭ تالاپ ارىزىن قاناعاتتاندىرىپ، نىساندى زاڭسىز دەپ تانىدى. ال وتكەن جىلدىڭ 20 تامىزىندا الماتى قالالىق سوتى ءبىرىنشى ساتىداعى سوتتىڭ شەشىمىن وزگەرىسسىز قالدىردى.
سوت شەشىمىن ورىنداۋ ماقساتىندا مەنشىك يەسى عيماراتتى بۇزۋ جۇمىستارىن باستاپ كەتتى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا 2023 جىلدىڭ باسىنان بەرى 73 زاڭسىز نىسان، سونىڭ ىشىندە «مەچتا»، KHAN تۇرعىن ءۇي كەشەندەرى جانە ت.ب. تولىق نەمەسە جارتىلاي بۇزىلعان.
