Almatyda eki politsiia kapitany 14 jastaǵy qyz balany zorlady degen kúdikpen qamaýǵa alyndy. Bul aqparatty 11 jeltoqsanda ishki ister ministri Erjan Sádenov rastady.
"Ókinishke qarai, ondai oqiǵa boldy. Politseiler osyndai qylmys jasaǵan. Birden tártiptik komissiia qurylyp, bul adamdar jumystan shyǵaryldy. Qylmystyq is boiynsha olar qamaýǵa alyndy" dedi Sádenov májilis kýlýarynda.
Ministrdiń sózinshe, politseiler "bul qylmysty qyzmette júrip jasaǵan".
Buǵan deiin "NEMolchi.kz" qorynyń basshysy Dina Táńsári eki politseidiń 14 jastaǵy qyzdy zorlaǵany jaily habarlap, ministrlikten aqparat suraǵan. Oqiǵa Qonaev qalasynda bolǵan.
Táńsáriniń aqparatynsha, bireýi – kámeletke tolmaǵandar isi boiynsha inspektor, ekinshisi – politsiianyń ǵimarattardy kúzetý boiynsha qyzmetkeri.
Qarashada Taldyqorǵanda politsiia Marat Kúshtibaev 27 jastaǵy áieldi zorlady degen kúdikpen eki aiǵa qamaýǵa alynǵan. IIM Kúshtibaevtyń da qamalǵanyn rastaǵan.
