الماتىدا ەكٸ پوليتسييا كاپيتانى 14 جاستاعى قىز بالانى زورلادى دەگەن كٷدٸكپەن قاماۋعا الىندى. بۇل اقپاراتتى 11 جەلتوقساندا ٸشكٸ ٸستەر مينيسترٸ ەرجان سەدەنوۆ راستادى.
"ٶكٸنٸشكە قاراي, ونداي وقيعا بولدى. پوليتسەيلەر وسىنداي قىلمىس جاساعان. بٸردەن تەرتٸپتٸك كوميسسييا قۇرىلىپ, بۇل ادامدار جۇمىستان شىعارىلدى. قىلمىستىق ٸس بويىنشا ولار قاماۋعا الىندى" دەدٸ سەدەنوۆ مەجٸلٸس كۋلۋارىندا.
مينيستردٸڭ سٶزٸنشە, پوليتسەيلەر "بۇل قىلمىستى قىزمەتتە جٷرٸپ جاساعان".
بۇعان دەيٸن "نەمولچي.kz" قورىنىڭ باسشىسى دينا تەڭسەرٸ ەكٸ پوليتسەيدٸڭ 14 جاستاعى قىزدى زورلاعانى جايلى حابارلاپ, مينيسترلٸكتەن اقپارات سۇراعان. وقيعا قوناەۆ قالاسىندا بولعان.
تەڭسەرٸنٸڭ اقپاراتىنشا, بٸرەۋٸ – كەمەلەتكە تولماعاندار ٸسٸ بويىنشا ينسپەكتور, ەكٸنشٸسٸ – پوليتسييانىڭ عيماراتتاردى كٷزەتۋ بويىنشا قىزمەتكەرٸ.
قاراشادا تالدىقورعاندا پوليتسييا مارات كٷشتٸباەۆ 27 جاستاعى ەيەلدٸ زورلادى دەگەن كٷدٸكپەن ەكٸ ايعا قاماۋعا الىنعان. ٸٸم كٷشتٸباەۆتىڭ دا قامالعانىن راستاعان.
