Almaty ákimi Erbolat Dosaev Áýezov aýdanynyń turǵyndarymen kezdesý barysynda eki jyl ishinde qaladaǵy barlyq aialdama keshenderi jańaratynyn aitty, dep habarlaidy Dalanews.kz
«Eki jyl ishinde biz qaladaǵy barlyq aialdama keshenderin josparly túrde aýystyratyn bolamyz. Olar avtobýstardyń marshrýttary men qozǵalysy týraly aqparattyq taqtalarmen jabdyqtalady. Jolaýshylar aǵynyna bailanysty keshender mólsheri boiynsha ártúrli bolady. Tiisti baǵdarlama ázirlenip, qarajat qarastyrylyp, kúzde iske asyrýdy bastaýdy josparlap otyrmyz», - dep atap ótti Erbolat Dosaev.
Búgingi tańda qalada pavilondary bar 1900 aialdama bar, onyń 795-i investorlardyń qarajaty esebinen ornatylyp, jarnamalyq konstrýktsiialarmen jabdyqtalǵan. Qalǵandary biýdjet esebinen ornatylyp, modýldik metall jaqtaý túrinde oryndaldy.
«Aldaǵy eki jylda biz bul saralaýdy nivelirleýge tyrysamyz jáne eger investorlar qalanyń belgili bir bólikterindegi aialdama keshenderine qyzmet kórsetýge qyzyǵýshylyq tanytpasa, biz muny ózimiz jasaimyz, onda áleýmettik jarnama ornalastyramyz», - dedi Almaty ákimi.
