الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەسۋ بارىسىندا ەكى جىل ىشىندە قالاداعى بارلىق ايالداما كەشەندەرى جاڭاراتىنىن ايتتى، دەپ حابارلايدى Dalanews.kz
«ەكى جىل ىشىندە ءبىز قالاداعى بارلىق ايالداما كەشەندەرىن جوسپارلى تۇردە اۋىستىراتىن بولامىز. ولار اۆتوبۋستاردىڭ مارشرۋتتارى مەن قوزعالىسى تۋرالى اقپاراتتىق تاقتالارمەن جابدىقتالادى. جولاۋشىلار اعىنىنا بايلانىستى كەشەندەر مولشەرى بويىنشا ءارتۇرلى بولادى. ءتيىستى باعدارلاما ازىرلەنىپ، قاراجات قاراستىرىلىپ، كۇزدە ىسكە اسىرۋدى باستاۋدى جوسپارلاپ وتىرمىز»، - دەپ اتاپ ءوتتى ەربولات دوسايەۆ.
بۇگىنگى تاڭدا قالادا پاۆيلوندارى بار 1900 ايالداما بار، ونىڭ 795ء-ى ينۆەستورلاردىڭ قاراجاتى ەسەبىنەن ورناتىلىپ، جارنامالىق كونسترۋكسيالارمەن جابدىقتالعان. قالعاندارى بيۋدجەت ەسەبىنەن ورناتىلىپ، مودۋلدىك مەتالل جاقتاۋ تۇرىندە ورىندالدى.
«الداعى ەكى جىلدا ءبىز بۇل سارالاۋدى نيۆەليرلەۋگە تىرىسامىز جانە ەگەر ينۆەستورلار قالانىڭ بەلگىلى ءبىر بولىكتەرىندەگى ايالداما كەشەندەرىنە قىزمەت كورسەتۋگە قىزىعۋشىلىق تانىتپاسا، ءبىز مۇنى ءوزىمىز جاسايمىز، وندا الەۋمەتتىك جارناما ورنالاستىرامىز»، - دەدى الماتى اكىمى.
