Almatynyń kommýnaldyq qyzmeti nóser jańbyrǵa bailanysty kúsheitilgen jumys rejimine aýystyryldy- dep habarlaidy Dalanews.kz Almaty qalasynyń kommýnaldyq infraqurylymdy damytý basqarmasyna silteme jasap.
"Almatyda 20 maýsym kúni saǵat 15:00-den bastap 21 maýsym saǵat 02:00-ge deiin jańbyr jaýady, kei jerlerde 20 mm-ge deiin qatty jaýyn-shashyn, naizaǵai, burshaq jaýýy múmkin. Meteorologtar birneshe saǵat ishinde maýsym aiyna tán jaýyn-shashynnyń úshten birinen astamy jaýýy múmkin ekenin boljap otyr (maýsym aiynyń normasy – 59 mm). Jel ońtústik-shyǵystan soltústik-batysqa aýysyp, jyldamdyǵy 3-8 m/s, ekpini 15-20 m/s-ke deiin jetedi. Kúndiz aýa temperatýrasy +28…+30 °S bolady", - delingen «Qazgidromet» RMK habarlamasynda.
20-nan 21 maýsymǵa qaraǵan túni ótkinshi jańbyr men naizaǵai jaýady, kúndiz jaýyn-shashyn bolmaidy. Aýa temperatýrasy túnde +17…+19 °S, kúndiz +31…+33 °S.
22 maýsym kúni – kóshpeli bult shyǵady, kúndiz ótkinshi jańbyr men naizaǵai bolýy múmkin. Túnde aýa temperatýrasy +20…+22 °S, kúndiz +28…+30 °S.
Sý basý qaýpiniń aldyn alý maqsatynda 52 mobildi jedel brigada kezekshilikke qoiyldy. Olar motopompa jáne qural-jabdyqpen jabdyqtalǵan.
Aýdan ákimdikterinde atqarylyp jatqan jumystardy baqylaý maqsatynda táýlik boiy kezekshilik uiymdastyrylady.
Kúndizgi ýaqytta 426 arnaiy tehnika, 26 motopompa jáne 895 jumysshy jumyldyrylǵan.
«Almaty qalasynyń qutqarý qyzmeti» ShJQ MKK tarapynan 12 tehnika jáne 55 qyzmetker, TJD tarapynan 58 tehnika jáne 245 adam jumyldyryldy.
Buǵan deiin kommýnaldyq qyzmetter sý kedergisiz aǵýy úshin aryq júielerin, ótkelderdi jáne qoqysty súzip alyp qalatyn qural arqyly tazalaý jumystaryn júrgizgen.
Qala turǵyndary men qonaqtaryna usynystar:
* Aýa raiynyń qolaisyzdyǵyna bailanysty taýǵa barmańyz.
* Aǵashtar qulap, elektr jelileri úzilýi múmkin bolǵandyqtan kólikti jol jiegine qoimańyz.
Almaty qalasynyń kommýnaldyq infraqurylymdy damytý basqarmasy aryqtarǵa, jańbyr sýy aǵyndaryna jáne sý aǵatyn arnalarǵa turmystyq qaldyqtar men qoqys tastamaýdy suraidy.
Erejeni buzýshylar Qazaqstan Respýblikasy Ákimshilik quqyq buzýshylyq týraly kodeksiniń 505-baby – «Qalalar men eldi mekenderdiń aýmaqtaryn kórkeitý qaǵidalaryn buzý, sondai-aq qalalar men eldi mekender infraqurylymy nysandaryn buzý, jasyl ekpelerin joiý jáne búldirý» boiynsha ákimshilik jaýapkershilikke tartylady.
