«Investitsiia ornyna tarif» saiasaty aiasynda infraqurylymdy jańartýǵa jáne tabiǵi resýrstardy únemdeýge bólinetin qarajat kólemi artty. Bul týraly óńirlik kommýnikatsiialar qyzmetinde ótken brifingte «Almaty Sý» ShJQ MKK bas direktory Iliias Qaziev málimdedi, dep habarlaidy Dalanews.kz
Onyń aitýynsha, 2025 jyly qalanyń sý qubyry jáne káriz júielerine «Almaty Sý» qarajatynan 18 mlrd teńge investitsiia tartý josparlanǵan.
«Sý qubyry men káriz júiesiniń tozǵan 70 shaqyrym jelisi aýystyrylady. Jumys júrgizý kezinde sý berý shektelmeýi úshin barynsha kúsh salynyp, kólik qozǵalysyna kedergi keltirmeý úshin de sharalar qabyldanady», – dedi Iliias Qaziev.
Sonymen qatar, biyl 4 sorǵy stantsiiasy jóndelip, 200 dana sorǵy jabdyǵy, 444 dana japqysh armatýra, 4 transformatorlyq podstantsiia jańartylyp, 2 taza sý rezervýary jóndelip, jańadan salynady.
Iri jobalar qatarynda Myńbaev kóshesindegi magistraldi sý qubyryn aýystyrý, Taýsamaly shaǵyn aýdanynda injenerlik jeliler júrgizý jáne Timiriazev kóshesindegi transheiasyz ádispen sý qubyryn qaita jańartý josparlanǵan.
«Bul qaladaǵy 240 myń turǵynyn sýmen jabdyqtaý sapasyn arttyrýǵa múmkindik beredi», – dedi spiker.
Sondai-aq, qalanyń sý júiesin jańartý aiasynda órt gidranttaryn, sý alatyn uńǵymalardy jóndeý jáne arnaiy tehnikany jańartý da josparlanǵan. Káriz sýlaryn tazartý stantsiialaryndaǵy tazalaý tehnologiiasyn jańartý jobalary bastaldy. Káriz sýlaryn tazartý alańynda shógindilerdi óńdeý qurylystary salynbaq.
