Almatady 50 sheteldik azamat elden shyǵaryldy, dep habarlaidy Dalanews.kz.
Ózbekstan, Tájikstan jáne Ázirbaijan azamattary Qazaqstan kóshi-qon zańnamasyn óreskel buzǵan. Politseiler olardy “Zańsyz kelýshi – 2024” respýblikalyq jedel-profilaktikalyq is-sharasy barysynda anyqtady.
Is-shara bastalǵaly 1185 kóshi-qon zańnamasyn buzýshy ákimshilik jaýapkershilikke tartylyp, 225 sheteldik Qazaqstan Respýblikasynan shyǵaryldy. Kóshi-qon zańnamasyn buzǵany úshin 935 sheteldik jaýapkershilikke tartyldy. Sheteldikterdiń Qazaqstan Respýblikasynda bolýynyń zańdylyǵyn qamtamasyz etý sharalaryn qoldanbaǵany úshin 202 qabyldaýshy tarapqa aiyppul salyndy. Sheteldik jumys kúshin tartý erejelerin buzǵan 48 jumys berýshi jaýapkershilikke tartyldy, – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchinov.
Sonymen qatar Almatyda is-shara kezinde Qazaqstannan óz betinshe ketý týraly sot sheshimin oryndamaǵan 54 sheteldik ustaldy.
