الماتادى 50 شەتەلدٸك ازامات ەلدەن شىعارىلدى, دەپ حابارلايدى Dalanews.kz.
ٶزبەكستان, تەجٸكستان جەنە ەزٸربايجان ازاماتتارى قازاقستان كٶشٸ-قون زاڭناماسىن ٶرەسكەل بۇزعان. پوليتسەيلەر ولاردى “زاڭسىز كەلۋشٸ – 2024” رەسپۋبليكالىق جەدەل-پروفيلاكتيكالىق ٸس-شاراسى بارىسىندا انىقتادى.
ٸس-شارا باستالعالى 1185 كٶشٸ-قون زاڭناماسىن بۇزۋشى ەكٸمشٸلٸك جاۋاپكەرشٸلٸككە تارتىلىپ, 225 شەتەلدٸك قازاقستان رەسپۋبليكاسىنان شىعارىلدى. كٶشٸ-قون زاڭناماسىن بۇزعانى ٷشٸن 935 شەتەلدٸك جاۋاپكەرشٸلٸككە تارتىلدى. شەتەلدٸكتەردٸڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ٷشٸن 202 قابىلداۋشى تاراپقا ايىپپۇل سالىندى. شەتەلدٸك جۇمىس كٷشٸن تارتۋ ەرەجەلەرٸن بۇزعان 48 جۇمىس بەرۋشٸ جاۋاپكەرشٸلٸككە تارتىلدى, – دەدٸ الماتى قالالىق پد كٶشٸ-قون قىزمەتٸ باسقارماسىنىڭ باستىعى اسحات بۋتۋنچينوۆ.
سونىمەن قاتار الماتىدا ٸس-شارا كەزٸندە قازاقستاننان ٶز بەتٸنشە كەتۋ تۋرالى سوت شەشٸمٸن ورىنداماعان 54 شەتەلدٸك ۇستالدى.
