Almatyda birneshe qylmysqa qatysy bar kúdiktiler ustaldy,- dep habarlaidy Dalanews.kz
Almaty qalasynyń kriminaldyq politsiia qyzmetkerleri men Áýezov aýdandyq politsiia basqarmasynyń qyzmetkerleri avtokólikterden múlik urlaý boiynsha birneshe qylmysqa qatysy bar degen kúdikpen 1973 jáne 1981 jyly týǵan eki er azamatty ustady. Ekeýi de Almaty oblysynyń turǵyndary.
Aldyn ala málimet boiynsha, kúdiktiler avtokólikterdiń pýltterinen beriletin signaldardy skanerleý arqyly kólik salonyna kirip, múlikti urlaǵan. Qazirgi ýaqytta politseiler Almaty qalasynda jasalǵan osyǵan uqsas bes qylmystyq epizodty anyqtady.
Kúdiktiler ýaqytsha ustaý izoliatoryna qamaldy.
- Jedel is-sharalar nátijesinde kúdiktiler qylmys ústinde ustaldy. Tintý barysynda urlanǵan múliktiń bir bóligi tárkilendi. Qazirgi tańda basqa epizodtar men yqtimal sybailastardy anyqtaý jumystary júrgizilip jatyr. Biz bul qylmystyq áreketti tolyq ashýǵa jáne barlyq qatysy bar adamdardy jaýapkershilikke tartýǵa niettimiz, – dedi Áýezov aýdandyq politsiia basqarmasynyń bastyǵy Daniiar Mendebaev.
Qosymsha tergeý jáne jedel is-sharalar jalǵasýda.
