Almatyda Balalar quqyǵyn qorǵaý basqarmasy qurylady, dep habarlaidy Dalanews.kz.
Máslihattyń kezekten tys sessiiasynda depýtattar "Almaty qalasyn basqarý shemasyn bekitý týraly" sheshimge tolyqtyrýlar engizý máselesin qarady.
Máseleni talqylaý aiasynda depýtattar jańa qurylymdyq bólimshe - Balalardyń quqyǵyn qorǵaý basqarmasyn qurýdy maquldady.
"Bul sheshim Qazaqstan Respýblikasy Prezidenti ákimshiligi basshysynyń tapsyrmasyna jáne Qazaqstan Respýblikasy Úkimetiniń qaýlysyna engizilgen ózgeristerge bailanysty qabyldanyp otyr. Bul ózgerister jergilikti deńgeide balalardyń quqyǵyn qorǵaý jónindegi arnaýly organ qurýǵa baǵyttalǵan", - dep jazylǵan habarlamada.
Sessiiada sóz sóilegen Almaty qalasy máslihatynyń tóraǵasy Meiirjan Otynshiev balalardyń quqyǵy men qaýipsizdigin qamtamasyz etý máselesi búginde búkil el boiynsha erekshe mańyzǵa ie ekenin aitty.
Onyń aitýynsha, jeke basqarmanyń qurylýy profilaktika jumystaryn kúsheitýge, jedel áreket etý tetikterin jetildirýge jáne vedomstvoaralyq úilestirýdi tiimdi jolǵa qoiýǵa múmkindik beredi. Bul halyq sany kóp ári áleýmettik infraqurylymy damyǵan megapolis úshin asa mańyzdy.
