الماتىدا بالالار قۇقىعىن قورعاۋ باسقارماسى قۇرىلادى، دەپ حابارلايدى Dalanews.kz.
ءماسليحاتتىڭ كەزەكتەن تىس سەسسياسىندا دەپۋتاتتار "الماتى قالاسىن باسقارۋ سحەماسىن بەكىتۋ تۋرالى" شەشىمگە تولىقتىرۋلار ەنگىزۋ ماسەلەسىن قارادى.
ماسەلەنى تالقىلاۋ اياسىندا دەپۋتاتتار جاڭا قۇرىلىمدىق بولىمشە - بالالاردىڭ قۇقىعىن قورعاۋ باسقارماسىن قۇرۋدى ماقۇلدادى.
"بۇل شەشىم قازاقستان رەسپۋبليكاسى پرەزيدەنتى اكىمشىلىگى باسشىسىنىڭ تاپسىرماسىنا جانە قازاقستان رەسپۋبليكاسى ۇكىمەتىنىڭ قاۋلىسىنا ەنگىزىلگەن وزگەرىستەرگە بايلانىستى قابىلدانىپ وتىر. بۇل وزگەرىستەر جەرگىلىكتى دەڭگەيدە بالالاردىڭ قۇقىعىن قورعاۋ جونىندەگى ارناۋلى ورگان قۇرۋعا باعىتتالعان"، - دەپ جازىلعان حابارلامادا.
سەسسيادا ءسوز سويلەگەن الماتى قالاسى ءماسليحاتىنىڭ ءتوراعاسى مەيىرجان وتىنشييەۆ بالالاردىڭ قۇقىعى مەن قاۋىپسىزدىگىن قامتاماسىز ەتۋ ماسەلەسى بۇگىندە بۇكىل ەل بويىنشا ەرەكشە ماڭىزعا يە ەكەنىن ايتتى.
ونىڭ ايتۋىنشا، جەكە باسقارمانىڭ قۇرىلۋى پروفيلاكتيكا جۇمىستارىن كۇشەيتۋگە، جەدەل ارەكەت ەتۋ تەتىكتەرىن جەتىلدىرۋگە جانە ۆەدومستۆوارالىق ۇيلەستىرۋدى ءتيىمدى جولعا قويۋعا مۇمكىندىك بەرەدى. بۇل حالىق سانى كوپ ءارى الەۋمەتتىك ينفراقۇرىلىمى دامىعان مەگاپوليس ءۇشىن اسا ماڭىزدى.
