Budan buryn aǵymdaǵy jyldyń mamyr aıynda Almaly aýdanynyń turǵyndarymen kezdesý barysynda Almaty qalasynyń basshysy Áıteke bı kóshesin uzartý josparyn aıtqan edi. Qurylys kóshe-jol jelisiniń júktelý deńgeıin tómendetý, sondaı-aq aýdannyń kólik ınfraqurylymyn damytý qajettiliginen týyndady.
2023 jyldyń maýsym aıynda "AlmatyDorstroı kompanıasy" JSHS merdigerlik uıymy qalalyq mobıldilik basqarmasynyń (QMB) tapsyrysy boıynsha Áıteke bı kóshesi – Baıtursynov kóshesinen Dosmuhamedov kóshesine deıingi joldyń qurylysyn bastady, ol 2023 jyldyń qazan aıynda jol jumystary josparǵa sáıkes merziminde aıaqtaldy.
Qalalyq mobıldilik basqarmasynyń basshysy Saǵyndyq Telibaev Almaty ákimine obektini ýaqtyly paıdalanýǵa berý týraly esep berdi.
– Injenerlik komýnıkasıalardy qaıta qurý júrgizilip, syrtqy jaryqtandyrý ornatyldy. Sondaı-aq, jol belgilerin jasaý, ornatý jumystary aıaqtaldy. Jol qozǵalysynyń qaýipsizdigin qamtamasyz etý úshin Áıteke bı kóshesinde kólik tek oń jaqqa qaraı qozǵalatyn bolady.Batys baǵyt boıynsha júretin kezde tıisti jol belgisi ornatylady, tikeleı, solǵa jáne ońǵa júrýge bolady, – dedi QMB basshysy.
Kóliktik qyzmet kórsetý sapasyn arttyrý, JKO deńgeıin qysqartý jáne avtomobıl kóliginiń qorshaǵan ortaǵa teris áserin azaıtý maqsatynda qalalyq mobıldilik basqarmasynyń tapsyrysy boıynsha tıisti jumystar júrgizilýde. Bul radıaldy joldardy uzartý:
- Saın kóshesi Rysqulov dańǵylynan Aqyn Sara kóshesine deıin jalpy uzyndyǵy 11 km, onyń ishinde 7,8 km paıdalanýǵa berildi jáne 3,2 km qurylys júrgizilýde,jumystardyń aıaqtalý merzimi-2024 jyl;
- Rysqulov dańǵyly F. Ońǵarsynova kóshesinen qala shekarasyna deıin uzyndyǵy 2,3 km. Jumystardy aıaqtaý merzimi-2025 jylǵy jeltoqsan;
- Abaı dańǵyly B. Momyshuly kóshesinen qala shekarasyna deıin. Onyń jalpy uzyndyǵy 5,3 km quraıdy, onyń ishinde 4,7 km paıdalanýǵa berildi. Qurylys-montaj jumystaryn 2024 jyly bastalady, al 2024 jyldyń sońyna deıin aıaqtaý josparlanýda;
- Tilendıev kóshesi Rysqulov dańǵylynan qala shekarasyna deıin. Jalpy uzyndyǵy – 10,5 km. JSQ ázirleýdi aıaqtaý merzimi-2024 jylǵy jeltoqsan;
- Soltústik aınalym kóshesi qala shekarasyna deıin. Jalpy uzyndyǵy – 1,2 km. JSQ ázirleýdi aıaqtaý merzimi-2023 jylǵy jeltoqsan.
Sonymen qatar ishki magıstraldyq kóshelerdi uzartý jumystary júrgizilýde:
- Tóle bı kóshesi Iassaýı kóshesinen qala shekarasyna deıin jalpy uzyndyǵy 4,5 km. Jumystar jer ýchaskelerin satyp alýǵa qaraı júrgiziletin bolady;
- Qajymuqan kóshesi Nazarbaev dańǵylynan Seıfýllın dańǵylyna deıin. 1 kezek-Seıfýllın dańǵylynan Jamaqaev kóshesine deıin, Aldar Kóse kóshesin rekonstýrksıalaý. Jalpy uzyndyǵy 0,24 km. Jumystar 2024-2025 jyldarǵa josparlanǵan;
- Jubanov kóshesi Momyshuly kóshesinen qala shekarasyna deıin. Merdigerlik uıymdy aıqyndaý boıynsha konkýrstyq rásimder júrgizilýde, onyń jalpy uzyndyǵy 3,9 km. QMJ boıynsha jumystardy aıaqtaý 2027 jylǵy jeltoqsanǵa josparlanǵan;
- Muqanov kóshesi Raıymbek dańǵylynan Maqataev kóshesine deıin. JSQ ázirlenýde, jalpy uzyndyǵy 0,6 km. QMJ 2024 jyly bastaý josparlanýda.
