بۇدان بۇرىن اعىمداعى جىلدىڭ مامىر ايىندا المالى اۋدانىنىڭ تۇرعىندارىمەن كەزدەسۋ بارىسىندا الماتى قالاسىنىڭ باسشىسى ايتەكە بي كوشەسىن ۇزارتۋ جوسپارىن ايتقان ەدى. قۇرىلىس كوشە-جول جەلىسىنىڭ جۇكتەلۋ دەڭگەيىن تومەندەتۋ، سونداي-اق اۋداننىڭ كولىك ينفراقۇرىلىمىن دامىتۋ قاجەتتىلىگىنەن تۋىندادى.
2023 جىلدىڭ ماۋسىم ايىندا "الماتىدورستروي كومپانياسى" ج ش س مەردىگەرلىك ۇيىمى قالالىق موبيلدىلىك باسقارماسىنىڭ (قمب) تاپسىرىسى بويىنشا ايتەكە بي كوشەسى – بايتۇرسىنوۆ كوشەسىنەن دوسمۇحامەدوۆ كوشەسىنە دەيىنگى جولدىڭ قۇرىلىسىن باستادى، ول 2023 جىلدىڭ قازان ايىندا جول جۇمىستارى جوسپارعا سايكەس مەرزىمىندە اياقتالدى.
قالالىق موبيلدىلىك باسقارماسىنىڭ باسشىسى ساعىندىق تەلىبايەۆ الماتى اكىمىنە وبەكتىنى ۋاقتىلى پايدالانۋعا بەرۋ تۋرالى ەسەپ بەردى.
– ينجەنەرلىك كوممۋنيكاسيالاردى قايتا قۇرۋ جۇرگىزىلىپ، سىرتقى جارىقتاندىرۋ ورناتىلدى. سونداي-اق، جول بەلگىلەرىن جاساۋ، ورناتۋ جۇمىستارى اياقتالدى. جول قوزعالىسىنىڭ قاۋىپسىزدىگىن قامتاماسىز ەتۋ ءۇشىن ايتەكە بي كوشەسىندە كولىك تەك وڭ جاققا قاراي قوزعالاتىن بولادى.باتىس باعىت بويىنشا جۇرەتىن كەزدە ءتيىستى جول بەلگىسى ورناتىلادى، تىكەلەي، سولعا جانە وڭعا جۇرۋگە بولادى، – دەدى قمب باسشىسى.
كولىكتىك قىزمەت كورسەتۋ ساپاسىن ارتتىرۋ، جكو دەڭگەيىن قىسقارتۋ جانە اۆتوموبيل كولىگىنىڭ قورشاعان ورتاعا تەرىس اسەرىن ازايتۋ ماقساتىندا قالالىق موبيلدىلىك باسقارماسىنىڭ تاپسىرىسى بويىنشا ءتيىستى جۇمىستار جۇرگىزىلۋدە. بۇل راديالدى جولداردى ۇزارتۋ:
- ساين كوشەسى رىسقۇلوۆ داڭعىلىنان اقىن سارا كوشەسىنە دەيىن جالپى ۇزىندىعى 11 كم، ونىڭ ىشىندە 7،8 كم پايدالانۋعا بەرىلدى جانە 3،2 كم قۇرىلىس جۇرگىزىلۋدە،جۇمىستاردىڭ اياقتالۋ مەرزىمى-2024 جىل؛
- رىسقۇلوۆ داڭعىلى ف. وڭعارسىنوۆا كوشەسىنەن قالا شەكاراسىنا دەيىن ۇزىندىعى 2،3 كم. جۇمىستاردى اياقتاۋ مەرزىمى-2025 جىلعى جەلتوقسان؛
- اباي داڭعىلى ب. مومىش ۇلى كوشەسىنەن قالا شەكاراسىنا دەيىن. ونىڭ جالپى ۇزىندىعى 5،3 كم قۇرايدى، ونىڭ ىشىندە 4،7 كم پايدالانۋعا بەرىلدى. قۇرىلىس-مونتاج جۇمىستارىن 2024 جىلى باستالادى، ال 2024 جىلدىڭ سوڭىنا دەيىن اياقتاۋ جوسپارلانۋدا؛
- تىلەندييەۆ كوشەسى رىسقۇلوۆ داڭعىلىنان قالا شەكاراسىنا دەيىن. جالپى ۇزىندىعى – 10،5 كم. جسق ازىرلەۋدى اياقتاۋ مەرزىمى-2024 جىلعى جەلتوقسان؛
- سولتۇستىك اينالىم كوشەسى قالا شەكاراسىنا دەيىن. جالپى ۇزىندىعى – 1،2 كم. جسق ازىرلەۋدى اياقتاۋ مەرزىمى-2023 جىلعى جەلتوقسان.
سونىمەن قاتار ىشكى ماگيسترالدىق كوشەلەردى ۇزارتۋ جۇمىستارى جۇرگىزىلۋدە:
- تولە بي كوشەسى ياسساۋي كوشەسىنەن قالا شەكاراسىنا دەيىن جالپى ۇزىندىعى 4،5 كم. جۇمىستار جەر ۋچاسكەلەرىن ساتىپ الۋعا قاراي جۇرگىزىلەتىن بولادى؛
- قاجىمۇقان كوشەسى نازاربايەۆ داڭعىلىنان سەيفۋللين داڭعىلىنا دەيىن. 1 كەزەك-سەيفۋللين داڭعىلىنان جاماقايەۆ كوشەسىنە دەيىن، الدار كوسە كوشەسىن رەكونستۋركسيالاۋ. جالپى ۇزىندىعى 0،24 كم. جۇمىستار 2024-2025 جىلدارعا جوسپارلانعان؛
- جۇبانوۆ كوشەسى مومىش ۇلى كوشەسىنەن قالا شەكاراسىنا دەيىن. مەردىگەرلىك ۇيىمدى ايقىنداۋ بويىنشا كونكۋرستىق راسىمدەر جۇرگىزىلۋدە، ونىڭ جالپى ۇزىندىعى 3،9 كم. قمج بويىنشا جۇمىستاردى اياقتاۋ 2027 جىلعى جەلتوقسانعا جوسپارلانعان؛
- مۇقانوۆ كوشەسى رايىمبەك داڭعىلىنان ماقاتايەۆ كوشەسىنە دەيىن. جسق ازىرلەنۋدە، جالپى ۇزىندىعى 0،6 كم. قمج 2024 جىلى باستاۋ جوسپارلانۋدا.
