Almaty ákimdigi qalalyq ortany abattandyrýǵa áleýmettik jaýapty biznesti tartý baǵytynda júieli jumysty jalǵastyryp keledi. Joba aiasynda «Tselinnyi» zamanaýi mádeniet ortalyǵynyń janyndaǵy Ahmet Baitursynuly atyndaǵy skverdi jańartý jumystary bastalady. Bastamaǵa «ATTs-Galereia» JShS-gi qoldaý bildirip, barlyq jumysty óz qarajaty esebinen qarjylandyrady,- dep habarlaidy Dalanews.kz
Abattandyrý jumystary zamanaýi jáne tabiǵatqa ziian keltirmeitin ekologiialyq ádister arqyly júrgiziledi. Barynsha tabiǵi landshaft pen qoldanystaǵy jasyl jelek saqtalyp, aýmaq kógaldandyrylady. Jaily jaiaý júrginshiler joldary salynyp, shaǵyn sáýlet pishinderi men zamanaýi energiia únemdeitin jaryqtandyrý júiesi ornatylady. Sondai-aq, demalysqa arnalǵan jaily aimaqtar uiymdastyrylyp, sýdy únemdep paidalanýdy intellektýaldy túrde baqylaityn avtomatty sýarý júiesi qosylady.
A.Baitursynuly atyndaǵy skverdi abattandyrý jobasy onyń tarihi mańyzyn saqtai otyryp, taza aýada serýendep, tynyǵyp, emin-erkin júzdesýge jaily orta qalyptastyrýdy maqsat etedi.
Joba júzege asqannan keiin aýmaqtyń ekologiialyq jaǵdaiy jaqsarady: shýdyń jáne jylý júktemesiniń deńgeii tómendep, aýa sapasy artady, tabiǵi tepe-teńdik saqtalady. Almaty qalasynyń ákimdigi qoǵamdyq keńistikterdi damytýdy jalǵastyra otyryp, turǵyndar úshin jaily ortasyn qurýǵa jalǵastyrady.
