Almatynyń Ekologiia jáne qorshaǵan orta basqarmasy «Jasyl aýla» naýqanynyń bastalǵanyn habarlaidy. Qala turǵyndarynan kópqabatty úilerdiń aýlalaryn kógaldandyrý maqsatynda japyraqty aǵash kóshetterin alýǵa ótinimder qabyldanyp jatyr. Kóshetter tegin beriledi, dep habarlaidy Dalanews.kz.
Naýqan aiasynda bir adamǵa 20-ǵa deiin kóshet beriledi. Ótinish berýshi otyrǵyzylǵan aǵashtarǵa aldaǵy úsh jyl boiy kútim jasaý jóninde kepildik mindettemesine qol qoiýǵa tiis.
Ótinim 2025 jyly 12 qazanǵa deiin qabyldanady. Kórsetilgen merzimnen keiin jiberilgen ótinim qabyldanbaidy.
Qatysý úshin zhasyl_aula_2025@bk.ru elektrondyq poshtasyna kelesi málimetterdi jiberý qajet:
1. Qatysýshynyń aty-jóni men bailanys nómiri, aǵash egiletin ornynyń naqty mekenjaiy;
2. Aǵash otyrǵyzylatyn jerdiń fotosy (mamandarǵa oryndy tolyq baǵalaýǵa múmkindik berý úshin panoramalyq formatta bolǵany jón);
3. Qajetti kóshet sany.
Kóshetter 2025 jyly 18–19 qazanǵa Almaty qalasy, Túrksib aýdany, T. Rysqulov kóshesi, 1/1 («Eco Almaty» JShS) mekenjaiynda taratylady. Otyrǵyzylǵan kóshetterdiń fotoesebin joldaý qajet.
Qosymsha aqparat alý úshin Almaty qalasynyń Ekologiia jáne qorshaǵan orta basqarmasynyń Jasyl qordy basqarý bólimine myna bailanys nómirleri arqyly habarlasýǵa bolady: +7 778 382 60 01, +7 727 338 31 06.
«Jasyl aýla» naýqany jeke turǵyn úi sektorynyń (JTQ) turǵyndaryna, Almaty oblysy turǵyndaryna jáne zańdy tulǵalarǵa arnalmaǵan.
