"Dúisenbi kúni tańerteń Almaty qalasy Bostandyq aýdandyq sotynyń tóraǵasy Altynbek Baianov para alǵany úshin ustaldy", dep habarlaidy Dalanews.kz Nege.kz saityna silteme jasap.
Qolda bar aqparatqa qaraǵanda, A.Baianovty sot salasy qyzmetkerleriniń birinen para alyp jatqanda sybailas jemqorlyqqa qarsy qyzmet ustaǵan.
Altynbek Baianov 1978 jyly Jambyl oblysy Merke aýdany Merki aýylynda dúniege kelgen. Úilengen, otbasyly. 1999 jyly ál-Farabi atyndaǵy QazUÝ-diń zań fakýltetin bitirgen. Eńbek ótilin Jambyl oblystyq sotynda (1999-2001 j.j.) bas maman bop bastap, Ákimshilik sot mamandary jáne saraptamalyq-uiymdastyrý bóliminiń basshysy (2001), Almaty qalalyq sotynyń bas mamany (2001-2005), Almaty qalasy Jetisý aýdandyq sotynyń tóraǵasy (2005-2014), Almaty qalasy Áýezov aýdandyq №2 sotynyń tóraǵasy (2014-2015) qyzmetin jáne 2015 jyldan bastap, qazirgi tańǵa deiin Almaty qalasy Bostandyq aýdandyq sotynyń tóraǵasy qyzmetin atqaryp kelgen.
Aqparatty anyqtaý barysynda, Almaty qalalyq sotynyń baspasóz qyzmetine habarlasqan edik. Qalalyq sottyń baspasóz hatshysy aqparatty bizden estip otyrǵanyn, ondai maǵlumat ózderinde joq ekenin, málimet túsken kezde jýrnalister qaýymyna jedel habarlaitynyn eskertti.
"Estýimizshe, Altynbek Baianov sot salasynda uzaq ýaqyttan beri tóraǵalyqtan myzǵymai otyrǵan bir myqtynyń jaqyn týysy kórinedi.
Sonymen qatar, ony qolma-qol aqsha tigip karta oinaýdyń jáne sot isinen de ózge máselelerdi "sátti sheshýdiń" sheberi desedi" dep jazypty Nege.kz.
