26 qyrkúiek kúni Almatydaǵy META Ýniversitetinde Qazaqstan tarihynda tuńǵysh ret qazaq tilinde oqytylatyn eki diplomdy MBA baǵdarlamasynyń resmi tanystyrylymy ótti, dep habarlaidy Dalanews.kz
Bul shara jai ǵana jańa bilim berý jobasynyń bastalýy emes, ol Qazaqstandaǵy ekonomikanyń damýy men ulttyq kadrlardy daiarlaýdaǵy ózekti máselelerdi ashyq talqylaýǵa sebep boldy.
Ekonomika men kadrlar máselesi:
Paneldik pikirtalas barysynda sarapshylar Qazaqstandaǵy ekonomikalyq ósimniń baiaýlaýyna sebep bolyp otyrǵan birqatar faktorlardy atap ótti. Atap aitqanda, kóptegen óndiristik jáne otandyq kompaniialardyń naryqtaǵy ornyn saqtai almaýy, keibir jobalardyń toqtap qalýy kásibi basqarýshylardyń jetispeýshiligimen tikelei bailanysty ekendigi aityldy.
Kásipkerlerdiń pikirinshe, básekege qabiletti ekonomika úshin eń áýeli myqty menedjment qajet. Qazaqstandyq kompaniialar jaqsy ónim shyǵara alady, biraq kásibi basqarý, strategiialyq josparlaý men naryqtyq ikemdilik jetkiliksiz bolǵan jaǵdaida olar uzaq merzimde tabysqa jete almaidy.
Qazaq tiliniń róli men jańa býyn menedjerleri:
Talqylaý barysynda qazaq tiliniń biznestegi orny da erekshe nazarǵa alyndy. Sońǵy jyldary kóptegen kompaniialarda qazaq tildi mamandardyń róli artyp kele jatqany atap ótildi. Bul úrdis ulttyq tilde kásibi menedjment mektebiniń paida bolýyn qajet etken.
Sarapshylardyń aitýynsha, memlekettik tilde joǵary sapaly biznes-bilimniń bolmaýy uzaq jyldar boiy kásibi ósimge kedergi keltirdi. Endi Qazaq MBA baǵdarlamasy osy olqylyqtyń ornyn toltyryp, qazaq tilinde oilaityn, kásibi deńgeide sheshim qabyldai alatyn jańa býyn menedjerlerdi daiarlaýdy maqsat etedi.
Is-sharaǵa qatysqan kásipkerler bul bastamanyń el damýy úshin mańyzyn atap ótti.
- Dýlat Tástekei (TAS GROUP) qazaqstandyq bizneske ulttyq múddeni qorǵaityn jańa basqarýshylar qajet ekenin aitty.
- Jalyn Jainarbai (Signtech.kz, Almaty qalasy Máslihatynyń depýtaty) biznes-bilimdi qazaq tilinde meńgerýdiń básekelik artyqshylyqtary baryn atap ótti.
- Rýslan Nurlybaev (SAVENERGY) halyqaralyq tájiribeni ulttyq ortaǵa beiimdeýdiń mańyzyn bólisti.
- Qumar Jumahan (Avtomoda, Avto Space Detailing) qazaq tilinde MBA baǵdarlamasynyń túlekteri jańa býyn kóshbasshylarǵa ainalatynyna senim bildirdi.
META Ýniversitetiniń rektory, Qazaqstandaǵy eń jas ári álemdegi eń jas rektorlardyń biri, Aijan Maratqyzy óz sózinde ǵylym men sapaly bilim berýdi damytýǵa árqashan qoldaý bildiretinin aitty. Ol Nazarbaev Ýniversitetiniń alǵashqy Ph.D. baǵdarlamasynyń túlekteriniń biri retinde óz tájiribesin bólisip, jańa bastamaǵa joǵary baǵa berdi.
«Maǵan bul joba erekshe qymbat. Biz bul baǵdarlamany iske qosýǵa uzaq daiyndaldyq, úlken eńbekten óttik. Búgin qazaq tilinde sapaly eki diplomdy MBA baǵdarlamasyn usyna alǵanymyz – ýniversitetimiz úshin úlken jetistik. Bul – qazaqstandyq bilim berý júiesiniń jańa belesi. Alǵashqy tyńdaýshylarǵa sáttilik tileimin», – dedi Aijan Maratqyzy.
META Ýniversitetiniń bastamasymen ashylǵan Qazaq MBA baǵdarlamasy – ulttyq tilde kásibi menedjerlerdi daiarlaýǵa baǵyttalǵan alǵashqy ári tarihi qadam. Baǵdarlama túlekterine birden eki diplom alý múmkindigi berilip, olardy halyqaralyq deńgeide básekege qabiletti basshylar qataryna qosady.
«Qazaqstan ekonomikasynyń bolashaǵy – kásibi menedjerlerdiń sapasyna bailanysty. Bizge jahandyq deńgeide oilaityn, biraq ulttyq múddege qyzmet etetin jańa býyn qajet. Qazaq MBA dál osy missiiany atqarady», – dedi joba negizin qalaýshy Maqsat Halyq.
