26 قىركٷيەك كٷنٸ الماتىداعى META ۋنيۆەرسيتەتٸندە قازاقستان تاريحىندا تۇڭعىش رەت قازاق تٸلٸندە وقىتىلاتىن ەكٸ ديپلومدى MBA باعدارلاماسىنىڭ رەسمي تانىستىرىلىمى ٶتتٸ, دەپ حابارلايدى Dalanews.kz
بۇل شارا جاي عانا جاڭا بٸلٸم بەرۋ جوباسىنىڭ باستالۋى ەمەس, ول قازاقستانداعى ەكونوميكانىڭ دامۋى مەن ۇلتتىق كادرلاردى دايارلاۋداعى ٶزەكتٸ مەسەلەلەردٸ اشىق تالقىلاۋعا سەبەپ بولدى.
ەكونوميكا مەن كادرلار مەسەلەسٸ:
پانەلدٸك پٸكٸرتالاس بارىسىندا ساراپشىلار قازاقستانداعى ەكونوميكالىق ٶسٸمنٸڭ باياۋلاۋىنا سەبەپ بولىپ وتىرعان بٸرقاتار فاكتورلاردى اتاپ ٶتتٸ. اتاپ ايتقاندا, كٶپتەگەن ٶندٸرٸستٸك جەنە وتاندىق كومپانييالاردىڭ نارىقتاعى ورنىن ساقتاي الماۋى, كەيبٸر جوبالاردىڭ توقتاپ قالۋى كەسٸبي باسقارۋشىلاردىڭ جەتٸسپەۋشٸلٸگٸمەن تٸكەلەي بايلانىستى ەكەندٸگٸ ايتىلدى.
كەسٸپكەرلەردٸڭ پٸكٸرٸنشە, بەسەكەگە قابٸلەتتٸ ەكونوميكا ٷشٸن ەڭ ەۋەلٸ مىقتى مەنەدجمەنت قاجەت. قازاقستاندىق كومپانييالار جاقسى ٶنٸم شىعارا الادى, بٸراق كەسٸبي باسقارۋ, ستراتەگييالىق جوسپارلاۋ مەن نارىقتىق يكەمدٸلٸك جەتكٸلٸكسٸز بولعان جاعدايدا ولار ۇزاق مەرزٸمدە تابىسقا جەتە المايدى.
قازاق تٸلٸنٸڭ رٶلٸ مەن جاڭا بۋىن مەنەدجەرلەرٸ:
تالقىلاۋ بارىسىندا قازاق تٸلٸنٸڭ بيزنەستەگٸ ورنى دا ەرەكشە نازارعا الىندى. سوڭعى جىلدارى كٶپتەگەن كومپانييالاردا قازاق تٸلدٸ مامانداردىڭ رٶلٸ ارتىپ كەلە جاتقانى اتاپ ٶتٸلدٸ. بۇل ٷردٸس ۇلتتىق تٸلدە كەسٸبي مەنەدجمەنت مەكتەبٸنٸڭ پايدا بولۋىن قاجەت ەتكەن.
ساراپشىلاردىڭ ايتۋىنشا, مەملەكەتتٸك تٸلدە جوعارى ساپالى بيزنەس-بٸلٸمنٸڭ بولماۋى ۇزاق جىلدار بويى كەسٸبي ٶسٸمگە كەدەرگٸ كەلتٸردٸ. ەندٸ Qazaq MBA باعدارلاماسى وسى ولقىلىقتىڭ ورنىن تولتىرىپ, قازاق تٸلٸندە ويلايتىن, كەسٸبي دەڭگەيدە شەشٸم قابىلداي الاتىن جاڭا بۋىن مەنەدجەرلەردٸ دايارلاۋدى ماقسات ەتەدٸ.
ٸس-شاراعا قاتىسقان كەسٸپكەرلەر بۇل باستامانىڭ ەل دامۋى ٷشٸن ماڭىزىن اتاپ ٶتتٸ.
- دۋلات تەستەكەي (TAS GROUP) قازاقستاندىق بيزنەسكە ۇلتتىق مٷددەنٸ قورعايتىن جاڭا باسقارۋشىلار قاجەت ەكەنٸن ايتتى.
- جالىن جاينارباي (Signtech.kz, الماتى قالاسى مەسليحاتىنىڭ دەپۋتاتى) بيزنەس-بٸلٸمدٸ قازاق تٸلٸندە مەڭگەرۋدٸڭ بەسەكەلٸك ارتىقشىلىقتارى بارىن اتاپ ٶتتٸ.
- رۋسلان نۇرلىباەۆ (SAVENERGY) حالىقارالىق تەجٸريبەنٸ ۇلتتىق ورتاعا بەيٸمدەۋدٸڭ ماڭىزىن بٶلٸستٸ.
- قۇمار جۇماحان (اۆتومودا, Avto Space Detailing) قازاق تٸلٸندە MBA باعدارلاماسىنىڭ تٷلەكتەرٸ جاڭا بۋىن كٶشباسشىلارعا اينالاتىنىنا سەنٸم بٸلدٸردٸ.
META ۋنيۆەرسيتەتٸنٸڭ رەكتورى, قازاقستانداعى ەڭ جاس ەرٸ ەلەمدەگٸ ەڭ جاس رەكتورلاردىڭ بٸرٸ, ايجان ماراتقىزى ٶز سٶزٸندە عىلىم مەن ساپالى بٸلٸم بەرۋدٸ دامىتۋعا ەرقاشان قولداۋ بٸلدٸرەتٸنٸن ايتتى. ول نازارباەۆ ۋنيۆەرسيتەتٸنٸڭ العاشقى Ph.D. باعدارلاماسىنىڭ تٷلەكتەرٸنٸڭ بٸرٸ رەتٸندە ٶز تەجٸريبەسٸن بٶلٸسٸپ, جاڭا باستاماعا جوعارى باعا بەردٸ.
«ماعان بۇل جوبا ەرەكشە قىمبات. بٸز بۇل باعدارلامانى ٸسكە قوسۋعا ۇزاق دايىندالدىق, ٷلكەن ەڭبەكتەن ٶتتٸك. بٷگٸن قازاق تٸلٸندە ساپالى ەكٸ ديپلومدى MBA باعدارلاماسىن ۇسىنا العانىمىز – ۋنيۆەرسيتەتٸمٸز ٷشٸن ٷلكەن جەتٸستٸك. بۇل – قازاقستاندىق بٸلٸم بەرۋ جٷيەسٸنٸڭ جاڭا بەلەسٸ. العاشقى تىڭداۋشىلارعا سەتتٸلٸك تٸلەيمٸن», – دەدٸ ايجان ماراتقىزى.
META ۋنيۆەرسيتەتٸنٸڭ باستاماسىمەن اشىلعان Qazaq MBA باعدارلاماسى – ۇلتتىق تٸلدە كەسٸبي مەنەدجەرلەردٸ دايارلاۋعا باعىتتالعان العاشقى ەرٸ تاريحي قادام. باعدارلاما تٷلەكتەرٸنە بٸردەن ەكٸ ديپلوم الۋ مٷمكٸندٸگٸ بەرٸلٸپ, ولاردى حالىقارالىق دەڭگەيدە بەسەكەگە قابٸلەتتٸ باسشىلار قاتارىنا قوسادى.
«قازاقستان ەكونوميكاسىنىڭ بولاشاعى – كەسٸبي مەنەدجەرلەردٸڭ ساپاسىنا بايلانىستى. بٸزگە جاھاندىق دەڭگەيدە ويلايتىن, بٸراق ۇلتتىق مٷددەگە قىزمەت ەتەتٸن جاڭا بۋىن قاجەت. Qazaq MBA دەل وسى ميسسييانى اتقارادى», – دەدٸ جوبا نەگٸزٸن قالاۋشى ماقسات حالىق.
