Almatyda Ál-Farabi dańǵylynyń bólý jolaǵy boiyna 300-ge jýyq jańa aǵash otyrǵyzyldy – qaladaǵy basty magistraldiń birin 292 iri shegirshin men shaǵan aǵashy sándendirdi. Bul týraly Ekologiia jáne qorshaǵan orta basqarmasy málim etti, – dep habarlaidy Dalanews.kz
Aǵashtardyń biiktigi – keminde alty metr. Olar jergilikti tálimbaqtarda ósirilgen jáne megapolistiń klimattyq jaǵdaiyna beiimdelgen. Mamandardyń aitýynsha, bul aǵash túrleri kezdeisoq tańdalmaǵan: shegirshin men shaǵan aýanyń lastanýyna, temperatýranyń aýytqýyna tózimdi ári aýany tiimdi tazarta alady.
«Bul aǵashtar jol boiynda jaily jasyl aimaq qalyptastyryp qana qoimai, kólik qozǵalysynan bolatyn lastaný deńgeiin tómendetýge kómektesedi. Durys kútim jasalsa, tez beiimdelip, qalanyń landshafttyq mańyzdy bóligine ainalady», – dedi «Botanika jáne fitointrodýktsiia institýty» RMK bas direktory Gúlnár Sitpaeva.
Turaqty sýarý, jaz maýsymda mineraldy tyńaitqyshtar engizý jáne kúzgi-qysqy kezeńde mamandardyń usynystaryna sáikes arnaiy kútim jasaý syndy aǵashtyń tez tamyrlanýy úshin keshendi kútim sharalary josparlanǵan.
Almatyda kógaldandyrý jumystary «Taza Qazaqstan» respýblikalyq baǵdarlamasy jáne «Almaty – bizdiń ortaq úiimiz» qalalyq bastamasy aiasynda belsendi júrgizilýde. Biyl naýryz aiynda Sain, Rysqulov, Sátbaev kóshelerinde, Kókjiek shaǵyn aýdanynda, Gúlder saiabaǵynda jáne basqa da qoǵamdyq oryndarda 2 000-ǵa jýyq iri kóshet otyrǵyzý josparlanǵan. Qazirgi tańda 600-den astam aǵash egildi.
