Almatynyń Almaly aýdanynda kiim jáne et, tamaq ónimderin satý boiynsha 75-ten astam stihiialyq saýda núktesi joiyldy,– dep habarlaidy Dalanews.kz
Almatyda «Taza Qazaqstan» respýblikalyq baǵdarlamasy jáne «Almaty - bizdiń ortaq úiimiz» qalalyq bastamasy aiasynda ákim Erbolat Dosaevtyń tapsyrmasy boiynsha naýqan júzege asyrylýda. Atap aitqanda, Almaly aýdanynda Tóle bi kóshesinen Raiymbek dańǵylyna deiin (shyǵys-batys baǵyty) Rozybakiev kóshesi boiyndaǵy ýchaskede jáne Prokofevten Turǵut Ozalǵa deiingi Tóle bi kóshesinde, «Barys - 4», «Juldyz», «Tastaq» bazarlary aýmaǵynda stihiialyq saýdany joiý boiynsha belsendi jumystar júrgizilýde.
Júrgizilgen reidter nátijesinde stihiialyq saýdanyń 75-ten astam núktesi joiyldy, sondai-aq 47 tekshe metrden astam qoqys shyǵaryldy.
Bul ýchaskelerde kiim men aiaq kiim, turmystyq buiymdar, et ónimderi jáne basqa da azyq-túlik taýarlary, sonyń ishinde sút ónimderi satyldy. Saýdagerler ruqsat qujattarynsyz, antisanitariialyq jaǵdaida jáne abattandyrý erejelerin óreskel buza otyryp satylym jasady.
Saýdagerlermen Almaty qalasyn abattandyrý erejelerin saqtaý týraly túsindirme áńgime júrgizildi. Olarǵa Almaly aýdany bazarlarynyń aýmaǵynda saýda oryndary usynyldy.
Aǵymdaǵy jyldyń basynan bastap politsiia qyzmetkerleri QR ÁQBtK-niń 204-baby «Belgilenbegen oryndardaǵy saýda» boiynsha 253 ákimshilik hattama jáne QR ÁQBtK-niń 505-baby «abattandyrý erejeleri» boiynsha 785 hattama engizdi. Bul baǵyttaǵy jumys jalǵasýda.
Esterińizge sala keteiik, stihiialyq saýda faktilerin anyqtaý jáne joiý, sondai-aq zańsyz ornatylǵan saýda obektilerin bólshekteý jónindegi aýqymdy aktsiia 15 sáýirde bastalyp, 2025 jyldyń 1 mamyryna deiin jalǵasady. Aǵymdaǵy jyldyń 15 sáýirinde ǵana ýákiletti organdar politsiia departamentimen birlesip sanktsiialanbaǵan saýdanyń 143 jaǵdaiyn (QR ÁQBtK 204-baby) jáne abattandyrý qaǵidalaryn buzýdyń 96-babyn (QR ÁQBtK 505-baby) anyqtady.
