Májilis depýtattary bastamashy bolǵan Salyq kodeksine ózgerister engizý týraly zań jobasyn birinshi oqylymda maquldady, dep habarlaidy dalanews.kz.
Májilis otyrysynda qaralǵan qujat Konstitýtsiia men «Konstitýtsiialyq Sot týraly» Konstitýtsiialyq zań normalaryn iske asyrýǵa baǵyttalǵan. Zań jobasy aiasynda Salyq kodeksine bir palataly Parlament – Quryltaidyń qurylýyna, Qazaqstan Halyq Keńesiniń engizilýine jáne jańa konstitýtsiialyq modelge kóshýge bailanysty ózgerister engizý kózdelip otyr.
Sondai aq qujatta azamattardyń Qazaqstan Respýblikasynyń Konstitýtsiialyq Sotyna joldanym jiberýi kezinde memlekettik bajdy alyp tastaý usynylǵan. Depýtattardyń aitýynsha, bul túzetý azamattardyń konstitýtsiialyq baqylaý organyna júginý múmkindigin jeńildetýge baǵyttalǵan.
Májilis otyrysynda quqyqtyq normalardy tehnikalyq turǵydan naqtylaý máseleleri de qaraldy. Atap aitqanda, qujatta quqyqtyq retteýdiń mánin ózgertpei, terminderdi birizdendirý usynylǵan.
Osyǵan bailanysty «sheteldik» terminin «sheteldik azamat» uǵymymen almastyrý, «tenge» sózin «teńge» nusqasyna keltirý jáne aýmaq ataýlaryn kórsetý tártibin astanaǵa basymdyq bere otyryp retteý kózdelip otyr.
Sonymen qatar zań jobasy aiasynda salyq zańnamasyndaǵy institýtsionaldyq ataýlardy jańa konstitýtsiialyq qurylymǵa sáikestendirý qarastyrylǵan.
Májilis depýtattarynyń pikirinshe, túzetýler jańa konstitýtsiialyq modelge kóshý úderisin aiaqtaýǵa, quqyqtyq normalardy júieleýge jáne salyq zańnamasyn qoldanystaǵy ózgeristerge beiimdeýge múmkindik beredi.
Qujat birinshi oqylymda maquldanyp, endi ony odan ári talqylaý Parlamenttiń kelesi kezeńderinde jalǵasady.
