Ile Alataýy memlekettik ulttyq tabiǵi parkiniń 30 jyldyq mereitoiy aiasynda jáne «Taza Qazaqstan» respýblikalyq ekologiialyq baǵdarlamasy sheńberinde ulttyq park aýmaǵynda birqatar mańyzdy tabiǵat qorǵaý sharalary uiymdastyryldy. Sonyń ishinde Qaskeleń ormanshylyǵynda «Jýrnalister alleiasynyń» saltanatty ashylýy men halyqaralyq «Parkter sherýi – 2026» aktsiiasy ótti, dep habarlaidy dalanews.kz.
Aýqymdy ekologiialyq bastamaǵa buqaralyq aqparat quraldarynyń ókilderi, ekologtar, qoǵam belsendileri, eriktiler, blogerler, mektep ormanshylyqtary, kolledj jáne joǵary oqý oryndarynyń stýdentteri qatysty. Tabiǵatty qorǵaý jolynda bas qosqan qatysýshylar ulttyq park aýmaǵynda aǵash kóshetterin otyrǵyzyp, qorshaǵan ortany saqtaýǵa óz úlesterin qosty.
«Jýrnalister alleiasy» – Ile Alataýy ulttyq parkiniń 30 jyldyq mereitoiyna arnalǵan «30 jyldyqqa – 30 is-shara» baǵdarlamasy aiasynda júzege asyrylyp jatqan erekshe jobalardyń biri. Bastamanyń negizgi maqsaty – ekologiialyq mádenietti qalyptastyrý, tabiǵatty qorǵaýǵa qatysty qoǵamdyq jaýapkershilikti arttyrý jáne buqaralyq aqparat quraldarymen yntymaqtastyqty nyǵaitý.
Saltanatty shara saptyq sherýmen bastalyp, qatysýshylar tabiǵat taqyrybyndaǵy kontserttik baǵdarlamalar men shyǵarmashylyq qoiylymdardy tamashalady. Sonymen qatar ulttyq park qyzmetkerleri bioalýantúrlilikti saqtaý, tabiǵatty qorǵaý jáne ekologiialyq aǵartý baǵytynda atqarylyp jatqan jumystar jóninde baiandama jasady.
Biyl 30-shy ret uiymdastyrylǵan halyqaralyq «Parkter sherýi» aktsiiasy burynǵydan da keń kólemde ótti. Ulttyq park mereitoiymen jáne «Taza Qazaqstan» baǵdarlamasymen úndesken bul shara ekologiialyq mádenietti qalyptastyrýdyń, tabiǵatqa janashyrlyq tanytýdyń jáne urpaqtar sabaqtastyǵyn dáripteýdiń jarqyn úlgisine ainaldy.
Ulttyq park málimetinshe, jyl basynan beri tabiǵatty qorǵaý baǵytynda 270-ke jýyq ekologiialyq aktsiia uiymdastyrylyp, oǵan 90 myńǵa jýyq adam qatysqan. Sonymen qatar park aýmaǵynda 1000-ǵa jýyq qus uiasy ornatylyp, 21 tonna qoqys jinalǵan. Budan bólek, 14 myńnan astam aǵash kósheti otyrǵyzylǵan.
Shara barysynda respýblikalyq telearnalar men buqaralyq aqparat quraldary ekologiialyq bastamalardy keńinen nasihattap, tabiǵatty qorǵaýdyń mańyzdylyǵyna erekshe nazar aýdardy.
Ile Alataýy memlekettik ulttyq tabiǵi parkiniń ókilderi aldaǵy ýaqytta da tabiǵatty qorǵaý, ekologiialyq aǵartý jáne qoǵammen tiimdi bailanys ornatý baǵytyndaǵy jumystar jalǵasatynyn atap ótti.
