Almatyda telegram arqyly tapsyrma berip, sýitsidke itermelep júrgen arna anyqtaldy, - dep habarlaidy Dalanews.kz.
Almaty qalasynyń prokýrorlary kontenti kúizeliske ushyratatyn Telegram-arnany buǵattaý sharalaryn qabyldady.
Tekserý barysynda 67 adam telegram arnadan sýitsidke baǵyttalǵan róldik tapsyrmalar alǵany anyqtaldy.
23 qyrkúiekte sot, Almaly aýdany prokýrorynyń destrýktivti chatqa tyiym salý týraly talabyn qanaǵattandyrdy.
Sot sheshimi dereý Mádeniet jáne aqparat ministrligine oryndaýǵa joldandy.
Almaty prokýratýrasy ata-analarǵa internetti qoldanýda jaýaptylyqpen qaraýdyń mańyzdylyǵyn eske salady, kúdikti kontent anyqtalǵan jaǵdaida quqyq qorǵaý organdaryna júginý qajet.
Buǵan deiin Bas prokýror Berik Asylov balalardy sýitsidke itermelegen 15 myń sait buǵattaǵanyn aitqan bolatyn.
"Balalardyń ózine-ózi qol jumsaý tolqyny qoǵamda rezonans týdyrdy. Prokýrorlarǵa ár derek boiynsha tergeýdi erekshe baqylaýdy tapsyrdym. Áleýmettik jeliler balalardyń sýitsid belsendiligine áser etetindikten prokýrorlar 15 myń ziian sait pen siltemeni buǵattady", – dedi Asylov H áleýmettik jelisindegi paraqshasynda.
Bas prokýror tiisti organdar qiyn turmystyq jaǵdaidaǵy otbasylarmen jumys istep jatqanyn málimdedi.
"Memlekettik organdarmen sýitsidtiń aldyn alý boiynsha shuǵyl sharalar keshenin ázirleimiz" – dedi ol.
Eske salaiyq, 16 qyrkúiekte Almatyda eki birdei oqýshy joǵary qabattan sekirip ketken bolatyn. Saldarynan ekeýi de mert boldy. Olardyń biri "eshkimge masyl bolǵym kelmeidi" dep áldekimge hat jibergen.
