Qazaqstandyq boksshy Nazym Qyzaibai Japoniiada ótip jatqan 2026 jylǵy Jazǵy Aziia oiyndaryndaǵy alǵashqy jekpe-jeginde jeńilis tapty, dep habarlaidy dalanews.kz.
54 kelige deiingi salmaqta óner kórsetken otandasymyz Qytai ókili Chjao Sýanmen kezdesti. Eki sportshy da reitingtegi joǵary oryndarynyń arqasynda jarystyń aldyńǵy kezeńin ótkizip jibergen.
Jekpe-jek úsh raýndqa sozyldy. Alǵashqy eki raýndta tóreshilerdiń basym bóligi qytailyq boksshyǵa basymdyq berdi. Úshinshi raýndta da barlyq tóreshi Chjao Sýannyń jeńisin tirkedi.
Osylaisha, Nazym Qyzaibai Aziada-2026-daǵy jarysyn aiaqtady. Ol Qazaqstan áielder quramasynan týrnirmen qoshtasqan alǵashqy boksshy boldy.
Aita keteiik, Qyzaibai buǵan deiingi eki Aziia oiyndarynda da shirek finaldyq kezeńde jarystan shyǵyp qalǵan.
Nazym Qyzaibai – qazaqstandyq áielder boksyndaǵy eń titýldy sportshylardyń biri. Ol IBA nusqasy boiynsha álem chempionatyn úsh ret jeńip alǵan. Sondai-aq World Boxing uiymdastyrǵan álem chempionatynda kúmis júlde ielengen.
Budan bólek, qazaqstandyq boksshy Parij-2024 Olimpiadasynda 48 kelige deiingi salmaqta qola medal jeńip alǵan.
