QMA Almaty qalasy boiynsha departamenti «Warner Bros» qarjy piramidasyn qurý jáne ony basqarý faktisi boiynsha tergeýdi aiaqtady, dep habarlaidy Dalanews.kz.
Qarjy piramidasynyń uiymdastyrýshylary azamattardy joǵary tabys ýádesimen investitsiia salýǵa úgittegen.
Jobaǵa zańdy kórinis berýi úshin osy iske esh qatysy joq tanymal gollivýdtyq kompaniiasynyń ataýyn paidalanǵan. Qatysýshylarǵa film treilerlerin qaraý jáne jańa salymshylardy tartý arqyly tabys tabý usynylǵan.
Joba 9 deńgeiden turǵan, ortasha salym mólsheri 225 myń teńge, tólemder tek USDT kriptovaliýtasynda qabyldanǵan.
Shemany ilgeriletý úshin áleýmettik jeliler men messendjerler belsendi qoldanylǵan. Administratorlar arnaiy chattar quryp, oqytý júrgizip, nusqaýlyqtar men beinerolikter taratqan, jyldam tabys pen kriptovaliýta túrinde syiaqy ýáde etken.
Tergeý barysynda salymshylardan jinalǵan jáne aýdarylǵan qarajatty saqtaý úshin paidalanylǵan kriptoámiiandar anyqtaldy.
Sot sanktsiiasymen jalpy somasy 3,8 mln USDT kólemindegi kriptoaktivterge tyiym salyndy.
Sot úkimimen uiymdastyrýshyǵa 5 jyl bas bostandyǵynan aiyrý jazasy taǵaiyndaldy.
Sonymen qatar, sot 40 jábirlenýshiniń azamattyq talaptaryn qanaǵattandyryp, olardyń zalaly tyiym salynǵan kriptoaktivter esebinen óteletin boldy.
Úkim zańdy kúshine engen joq.
