2026 jyly Almatyda 1000-nan astam jer telimin memleket qajetine alý kózdelip otyr. Bul týraly qala ákimdigi málimdedi, dep habarlaidy Dalanews.kz.
Jer telimderi qalanyń infraqurylymyn damytý maqsatynda alynady. Atap aitqanda, bul aýmaqtarda jańa avtojoldar men jolairyqtar, mektepter, balabaqshalar, aýrýhanalar, sondai-aq energetikalyq nysandar salý josparlanǵan.
Ákimdik málimetinshe, memleket qajetine alynatyn jerler men ondaǵy turǵyn úilerdiń nemese ózge de múliktiń quny táýelsiz baǵalaýshylar tarapynan naryqtyq baǵa boiynsha anyqtalady.
Memleketke alynatyn aýmaqtar qataryna Súleimenov, Raiymbek, Mendeleev, Haliýlin kósheleri boiyndaǵy jáne ózge de birqatar ýchaskeler engizilgen.
