Almatyda 20 jastaǵy sportshy óli tabyldy. Keibir BAQ málimetinshe, qaza tapqan jigit - kikbokser Áli Serik, - dep habarlaidy Dalanews.kz.
Almatynyń politsiia departamenti bul aqparatty rastady.
Naýryzbai aýdandyq politsiia basqarmasy 20 jastaǵy jigitti óltirý deregi boiynsha qylmystyq is qozǵady.
Kúdikti izin sýytpai ustalyp, ýaqytsha ustaý izoliatoryna qamaldy.
Aldyn ala málimet boiynsha, tanystar arasynda janjal týyndap, nátijesinde olardyń biri pyshaq qoldanǵan.
Qylmystyq qarý tárkilendi.
Oqiǵanyń basqa da mán-jailary anyqtalyp jatyr.
Aita keteiik, Áli Serik – tanymal singapýrlyq ONE Championship uiymynda óner kórsetken kásibi kikboksshy. Ol Titan Fight Club (Almaty) komandasynda bolǵan. 2022 jyly, 17 jasynda, Malaiziiada ótken chempionatta eresekter arasynda mýai-taidan (A klasy) álemniń eń jas chempiony atandy.
2023 jyly ol Bangkokta ótken ONE Friday Fights 16 týrnirinde K-1 (kikboksing) erejeleri boiynsha kásibi deńgeide debiýt jasady.
Álidiń áleýmettik jelidegi paraqshalarynan UFC jaýyngeri Hamzat Chimaevpen birge Tiger Muay Thai zalynda (Tailand) túsken sýreti bar. Sondai-aq, 2024 jyly qazaqstandyq sportshy Reseide Abdýlmanap Nýrmagomedov atyndaǵy jekpe-jek mektebinde daiyndyqtan ótti.
