الماتىدا 20 جاستاعى سپورتشى ءولى تابىلدى. كەيبىر ب ا ق مالىمەتىنشە، قازا تاپقان جىگىت - كيكبوكسەر ءالي سەرىك، - دەپ حابارلايدى Dalanews.kz.
الماتىنىڭ پوليسيا دەپارتامەنتى بۇل اقپاراتتى راستادى.
ناۋرىزباي اۋداندىق پوليسيا باسقارماسى 20 جاستاعى جىگىتتى ءولتىرۋ دەرەگى بويىنشا قىلمىستىق ءىس قوزعادى.
كۇدىكتى ءىزىن سۋىتپاي ۇستالىپ، ۋاقىتشا ۇستاۋ يزولياتورىنا قامالدى.
الدىن الا مالىمەت بويىنشا، تانىستار اراسىندا جانجال تۋىنداپ، ناتيجەسىندە ولاردىڭ ءبىرى پىشاق قولدانعان.
قىلمىستىق قارۋ تاركىلەندى.
وقيعانىڭ باسقا دا ءمان-جايلارى انىقتالىپ جاتىر.
ايتا كەتەيىك، ءالي سەرىك – تانىمال سينگاپۋرلىق ONE Championship ۇيىمىندا ونەر كورسەتكەن كاسىبي كيكبوكسشى. ول Titan Fight Club (الماتى) كومانداسىندا بولعان. 2022 جىلى، 17 جاسىندا، مالايزيادا وتكەن چەمپيوناتتا ەرەسەكتەر اراسىندا مۋاي-تايدان (ا كلاسى) الەمنىڭ ەڭ جاس چەمپيونى اتاندى.
2023 جىلى ول بانگكوكتا وتكەن ONE Friday Fights 16 تۋرنيرىندە ك-1 (كيكبوكسينگ) ەرەجەلەرى بويىنشا كاسىبي دەڭگەيدە دەبيۋت جاسادى.
ءاليدىڭ الەۋمەتتىك جەلىدەگى پاراقشالارىنان UFC جاۋىنگەرى حامزات چيمايەۆپەن بىرگە Tiger Muay Thai زالىندا (تايلاند) تۇسكەن سۋرەتى بار. سونداي-اق، 2024 جىلى قازاقستاندىق سپورتشى رەسەيدە ابدۋلماناپ نۋرماگومەدوۆ اتىنداعى جەكپە-جەك مەكتەبىندە دايىندىقتان ءوتتى.
