QR Tótenshe jaǵdailar ministrliginiń «NNTsSNI» JShS seismikalyq stantsiialar jelisi 2 qyrkúiek kúni saǵat 12:58-de jer silkinisin tirkedi. Zilzalanyń epitsentri Almaty qalasynan ońtústik-shyǵysqa qarai 319 shaqyrym jerde, Qytai aýmaǵynda ornalasqan,- dep habarlaidy Dalanews.kz
Jerasty dúmpýleriniń koordinattary: 40.782 ºS.e., 78.865 ºsh.b., tereńdigi – 5 km. Jer silkinisiniń energetikalyq klasy – 12.3, MPV magnitýdasy – 5.7. Almaty qalasynda onyń qarqyndylyǵy 2 balldy qurady (MSK-64 shkalasy boiynsha).
TJM «Qazseldenqorǵaý» mekemesiniń mamandary ózen arnalaryn, gidrotehnikalyq qurylystardy, kóshkin jáne sel qaýpi bar ýchaskelerdi tekserip shyqty. Nátijesinde zaqymdaný anyqtalǵan joq, tirshilikti qamtamasyz etý nysandary shtattyq rejimde jumys istep tur. Qiraýlar men zardap shekkender týraly aqparat túsken joq.
Jaǵdai turaqty.
