Almatynyń Almaly aýdanynda 1951 jyly salynǵan eski Oqýshylar úiiniń ornyna jańa «Shabyt» balalardy damytý ortalyǵy ashyldy. Jańa ortalyq 2 500-den astam oqýshynyń bilim alyp, shyǵarmashylyq qabiletin damytýǵa múmkindik beredi, – dep habarlaidy Dalanews.kz
Qala ákimi Erbolat Dosaev jańa ortalyqqa baryp, óskeleń urpaqtyń jan-jaqty damýyna jasalǵan jaǵdaimen tanysty.
Ortalyq Jambyl jáne Baizaqov kósheleriniń qiylysynda ornalasqan. Buryn bul jerde №2 Oqýshylar úii bolǵan, alaida ǵimarat eskirip, zamanaýi standartqa sai kelmei qalǵan.
2024 jyly shilde aiynda qala ákimdiginiń bastamasymen jáne investordyń qoldaýymen eski ǵimaratty buzyp, jańa ortalyq salý týraly sheshim qabyldandy. Sonyń nátijesinde jalpy aýmaǵy 1 415 sharshy metrden 3 414 sharshy metrge deiin ulǵaidy, al jobalyq qýaty 1 200 baladan 2 500 balaǵa deiin artty.
Jańa ortalyq zamanaýi bilim berý tehnologiialarymen jabdyqtalǵan: interaktivti panelder, monobloktar, noýtbýkter, sondai-aq, tehnikalyq, mýzykalyq, kórkemdik jáne sporttyq baǵyttarǵa arnalǵan arnaiy qural-jabdyqtar ornatylǵan.
Ákimniń sapary barysynda oǵan mádeni is-sharalarǵa arnalǵan amfiteatr, 25 metrlik jolaǵy bar júzý basseini, art-stýdiia, horeografiia zaly, robototehnika kabineti, tigin sheberhanasy jáne mýzykalyq synyptar kórsetildi.
Robototehnika kabinetinde oqýshylar jobasyn usyndy.
«Robot qurastyrǵandy jaqsy kóremin, bul bizge baǵdarlamalaýdy úirenýge jáne túrli máseleni sheshýge kómektesedi. Injener bolýdy armandaimyn, al ortalyqtaǵy sabaqtar paidaly daǵdylarǵa úiretedi», – dedi 7-synyp oqýshysy Manas Ómirǵaliev.
Ortalyqta qaýipsizdikti qamtamasyz etý úshin beinebaqylaý júieleri, bet-álpetti taný arqyly kiretin týrniketter, órtke jáne tótenshe jaǵdaiǵa arnalǵan dabyl júieleri ornatylǵan.
Ortalyq direktory Baqytgúl Lekerova mekemeniń basty maqtanyshy bassein ekenin atap ótti.
«Buryn №2 Oqýshylar úiinde sporttyq-saýyqtyrý baǵyty úshin jaǵdai jasalmaǵan edi. Endi balalardyń júzýmen ainalysýǵa múmkindigi bar – dýsh kabinalary men jaily sheshinetin bólmeler qarastyrylǵan. Jańa ǵimarat balalardyń darynyn ashýǵa jáne ózderin shyǵarmashylyq turǵyda kórsetýge úlken múmkindik beredi», – dedi ol.
Ortalyq aýmaǵynda fýtbol jáne basketbol alańdary, balalarǵa arnalǵan oiyn aimaǵy salyndy, sondai-aq, týia men butalar otyrǵyzyldy.
«Shabyt» balalardy damytý ortalyǵy mektep jasyndaǵy balalarǵa arnalǵan. Munda olar ǵylymi-tehnikalyq, áleýmettik-pedagogikalyq, gýmanitarlyq, kórkem-estetikalyq, mýzykalyq-aspaptyq jáne sporttyq-saýyqtyrý syndy baǵyttar boiynsha bilim ala alady.
