Qazaqstan halqynyń Birligi kúni Almatynyń Jetisý aýdanynda biregei is-shara ótti. Ainabulaq shaǵyn aýdanyndaǵy №4 mamandandyrylǵan balalar-jasóspirimder sport mektebinde el tarihyndaǵy eń uzyn - 1704 metr bolatyn laǵman daiyndaldy jáne bul fakt Qazaqstannyń Rekordtar kitabynda resmi tirkeldi,- dep habarlaidy Dalanews.kz
Bul jetistik jai ǵana gastronomiialyq oqiǵa emes, kópultty qoǵamdaǵy birlik pen kelisimniń naǵyz simvolyna ainaldy. 19 keli unnan qamyr ilendi, al 50 - den astam qatysýshy - aspazdar men aýdan turǵyndarynyń kúshimen taǵam eki saǵattyń ishinde daiyndaldy. Túrli etnostardyń ókilderi ortaq qazaqstandyq dastarhan úshin birlik rýhyn kórsetip, birlesip jumys istedi.
«Laǵman qansha metr bolsa da rekord ornatyldy, óitkeni mundai is-shara elimizde alǵash ret ótkizilip otyr. Biz kespeniń uzyndyǵyn ǵana emes, ultaralyq bailanystardyń beriktigin de bekitemiz»,- dedi Qazaqstan Rekordtar kitabynyń resmi ókili Baqytjan Sábituly.
Dál osy kúni bir ústelge qazaqtar, uiǵyrlar, ózbekter, dúngender, koreiler jáne basqa ult ókilderi jinaldy. Bireý qamyr iledi, bireý ony jaidy. Bul jinalǵandar úshin naǵyz merekege ainaldy, onda árkim ózin úlken, tatý otbasynyń bir bóligi retinde sezindi.
«Qatysýshylardyń aldynda qamyrdyń jyrtylmaýyn qamtamasyz etý qiyn mindeti turdy. Qiyndyqtarǵa qaramastan, bizdiń aspazdar ony óte jaqsy oryndady», - dep atap ótti Almaty qalasy Jetisý aýdany Analar keńesiniń tóraiymy Rahima Omarova.
Aspazdyq is-sharaǵa qatysýshylardyń biri Zýhra Izmasova óz áserlerimen bólisti. Ol jarystyń qiyn bolǵanyn moiyndady.
«Sál aýyr, tym uzyn laǵman, biraq tapsyrma neǵurlym qiyn bolsa, soǵurlym qyzyqty bolady», - dedi ol.
Jetisý aýdanynyń Ardagerler keńesiniń tóraiymy Tamara Shákirova óz kezeginde is-sharanyń jumysshy mamandyqtar jylyna arnalǵanyn atap ótti.
«Jetisý aýdanynda kóptegen qoǵamdyq tamaqtaný oryndary shoǵyrlanǵan. Búgin shyǵys taǵamdary aspazshylarynyń jumysy kórsetildi. Mundai keremetti árkim jasai almaidy. Jumysshy mamandyqtaryn baǵalai bilý kerek»,- dedi ol.
Is-sharany Jetisý aýdanynyń turǵyndary men etnomádeni ortalyqtary Qazaqstan halqynyń birligi kúnine orai uiymdastyrdy. Laǵman jai ǵana dámdi taǵam ǵana emes, ortaq mádeni jadynyń, dástúrdiń, tarihtyń jáne bolashaqtyń simvolyna ainaldy, dep atap ótti Jetisý aýdanynyń ákimdiginde.
