Almatyda stýdent jastarǵa qolaily jaǵdai jasaý maqsatynda jeke investitsiialar esebinen salynǵan jańa jataqhana paidalanýǵa berildi, dep habarlaidy Dalanews.kz
Jańa nysan 120 stýdentke arnalǵan jáne zamanaýi talaptarǵa tolyqtai sai keledi. Bul jataqhanada Qazaq Ulttyq Qyzdar pedagogigalyq ýniversitetiniń stýdentteri turady.
Jataqhana aýmaǵynda stýdentterdiń jaily ómir súrýi úshin barlyq jaǵdai qarastyrylǵan: jaryq ári keń bólmeler, as úi, oqý jáne demalys oryndary da bar. Sonymen qatar, konferents zal wi-fi jelisimen jabdyqtalǵan, bul bilim alýshylarǵa túrli is-sharalar uiymdastyrýǵa jáne onlain bilim alýyna múmkindik beredi.
«Búgin biz úshin óte qýanyshiy kún, sebebi jańa jataqhanaǵa kóship jatyrmyz. Mynda sabaqty oqýǵa, is-shara ótkizýge tolyq jaǵdai jasalǵan. Jataqhananyń ornalasqan jeri de yńǵaily. Aialdama, ashana, dúken bári jaqyn jerde ornalsaqan», - dedi stýdentterdiń biri.
Búgingi tańda Almaty qalasynda 127 stýdenttik jataqhana jumys isteidi. Bul jataqhanalarda 40,3 myńnan astam stýdent turyp jatyr. Almaty qalasy Jastar saiasaty basqarmasynyń málimetinshe, 2024 jyly 4304 tósek-orynǵa arnalǵan 16 jańa nysan paidalanýǵa berilgen. Al 2025 jyldyń sońyna deiin taǵy 6000 tósek-oryn qosylady dep josparlanýda.
Eske sala keteiik, Almaty qalasynda stýdentterdi jataqhanamen qamtý maqsatynda jobalyq keńse jumys isteidi. Bul keńse jataqhana qurylysyn tiimdi úilestirýmen qatar, memlekettik baǵdarlamalardy júzege asyrýǵa jáne jastarǵa arnalǵan turǵyn úi infraqurylymyn damytýǵa úles qosyp keledi.
