Almaty qalasy ákimi Erbolat Dosaev Almaty halyqaralyq áýejaıynyń salynyp jatqan jolaýshylar termınalynda baryp, tirkeý, ushý, kútý zaly, ushyp kelý, júk berý jáne qalaǵa shyǵý aımaqtaryndaǵy jumystardyń barysymen tanysty, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.
Almaty ákimi Erbolat Dosaevqa Almaty halyqaralyq áýejaıynyń prezıdenti Alp Er Týnga Ersoı habarlaǵandaı, qazir jańa halyqaralyq termınal ǵımaraty 87%, ortalyq ınjenerlik qondyrǵy 99%, áýeaılaq 93%, vokzal mańy aýmaǵy 78%, estakada 80% daıyn.
Alp Er Týnga Ersoı termınal úshin barlyq qajetti tehnıka men áýejaı jabdyǵy satyp alynǵanyn atap ótti, onyń bir bóligi júkterdi basqarý júıesi, jolaýshylar basqyshy, lıftter, eskalatorlar, jolaýshylar konveıerleri, rek shkaftary, júkti saqtaý jáne tasymaldaý júıeleri bar.
Jańa termınalda jolaýshylardyń jaılylyǵy úshin ana men bala bólmeleri qarastyrylǵan, ár qabatta múmkindigi shekteýli jandar úshin qajetti jaılylyq, balalarǵa arnalǵan oıyn alańy, sonymen birge demalys bólmeleri, Co-working aımaqtary, úı janýarlaryna arnalǵan dárethana sıaqty qosymsha yńǵaıly nárseler bar. Sonymen qatar, jańa termınalda Qazaqstandyq avıasıa mýzeıi bolady.
Tujyrymdamaǵa sáıkes, eski termınal jóndeýden keıin ishki reıster úshin paıdalanylady. Al jańa termınal eski termınalmen jer ústi ótkeli arqyly jalǵanady. Jańa termınal jolaýshylarǵa ǵımarattyń syrtyna shyqpaı-aq ishki jáne halyqaralyq reısterge ońaı barýǵa múmkindik beredi.
Jolaýshylardy shekara qyzmeti jelisi boıynsha pasporttyq baqylaýdan ótý kezinde zamanaýı jáne qolaıly jaǵdaımen qamtamasyz etý úshin jańa termınalda ushý aımaǵynda 20 kabına (8 birlikke kóbeıtý), ushyp kelý aımaǵynda 32 kabına (13 birlikke kóbeıtý), Qazaqstan Respýblıkasynyń azamattary úshin ushyp ketý-ushyp kelý aımaǵynda avtomattandyrylǵan ótkizý júıesi boıynsha 4 birlik jabdyq, 4 júk lentasy, yńǵaıly júrip-turýy úshin jolaýshylarǵa arnap aqparattyq dúńgirshekter ornatylady.
Buǵan qosa, ushyp kelý aımaǵyndaǵy 5-ten 11-ge deıin jáne ushyp ketý aımaǵyndaǵy 4-ten 7-ge deıinge deıin kedendik pýnktter ulǵaıtylady.
Qala basshysynyń jumys sapary barysynda áýejaıdyń jańa halyqaralyq termınalynyń qurylysy týrızmdi damytýdyń negizgi faktorynyń biri bolyp tabylatyny atap ótildi. Qazirgi termınaldy jańartýdy eskere otyryp, Almaty halyqaralyq áýejaıynyń jalpy ótkizý qabileti jylyna 14 mıllıon jolaýshyǵa deıin ulǵaıady (2023 jyldyń qorytyndysy boıynsha áýejaıǵa ótkizý qabileti 2,7 mln. adam bolǵan kezde 9,5 mln. adam qyzmet kórsetti).
Jańa termınaldyń teleskopıalyq basqyshtary borttyń kólemine baılanysty bir ýaqytta jeti ushaqty qabyldaı alady. Osylaısha, bıyl sheteldik týrıser sany 520 myń adamǵa, al 2030 jylǵa qaraı 1 mln.adamǵa deıin ósedi dep boljanyp otyr.
Erbolat Dosaev joǵary álemdik standarttarǵa sáıkes keletin sapaly qurylys materıaldaryn paıdalaný máselesine erekshe nazar aýdarýǵa shaqyrdy. Alp Er Týnga Ersoıdyń aıtýynsha, nysandaǵy qurylys materıaldarynyń sapasyn baqylaý Antalıa, Týnıs, Ankara, Skope, Zagreb jáne t.b. sıaqty áýejaılarda TAV Airports Holding kompanıasy iske asyrǵan jobalardyń standarttary negizinde júrgiziledi.
Almaty ákimi jańa termınaldyń qurylysyn osy jyldyń maýsym aıynda aıaqtaýdy tapsyrdy.
