الماتى قالاسى ەكٸمٸ ەربولات دوساەۆ الماتى حالىقارالىق ەۋەجايىنىڭ سالىنىپ جاتقان جولاۋشىلار تەرمينالىندا بارىپ, تٸركەۋ, ۇشۋ, كٷتۋ زالى, ۇشىپ كەلۋ, جٷك بەرۋ جەنە قالاعا شىعۋ ايماقتارىنداعى جۇمىستاردىڭ بارىسىمەن تانىستى, – دەپ حابارلايدى Dalanews.kz الماتى قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
الماتى ەكٸمٸ ەربولات دوساەۆقا الماتى حالىقارالىق ەۋەجايىنىڭ پرەزيدەنتٸ الپ ەر تۋنگا ەرسوي حابارلاعانداي, قازٸر جاڭا حالىقارالىق تەرمينال عيماراتى 87%, ورتالىق ينجەنەرلٸك قوندىرعى 99%, ەۋەايلاق 93%, ۆوكزال ماڭى اۋماعى 78%, ەستاكادا 80% دايىن.
الپ ەر تۋنگا ەرسوي تەرمينال ٷشٸن بارلىق قاجەتتٸ تەحنيكا مەن ەۋەجاي جابدىعى ساتىپ الىنعانىن اتاپ ٶتتٸ, ونىڭ بٸر بٶلٸگٸ جٷكتەردٸ باسقارۋ جٷيەسٸ, جولاۋشىلار باسقىشى, ليفتتەر, ەسكالاتورلار, جولاۋشىلار كونۆەيەرلەرٸ, رەك شكافتارى, جٷكتٸ ساقتاۋ جەنە تاسىمالداۋ جٷيەلەرٸ بار.
جاڭا تەرمينالدا جولاۋشىلاردىڭ جايلىلىعى ٷشٸن انا مەن بالا بٶلمەلەرٸ قاراستىرىلعان, ەر قاباتتا مٷمكٸندٸگٸ شەكتەۋلٸ جاندار ٷشٸن قاجەتتٸ جايلىلىق, بالالارعا ارنالعان ويىن الاڭى, سونىمەن بٸرگە دەمالىس بٶلمەلەرٸ, Co-working ايماقتارى, ٷي جانۋارلارىنا ارنالعان دەرەتحانا سيياقتى قوسىمشا ىڭعايلى نەرسەلەر بار. سونىمەن قاتار, جاڭا تەرمينالدا قازاقستاندىق اۆياتسييا مۋزەيٸ بولادى.
تۇجىرىمداماعا سەيكەس, ەسكٸ تەرمينال جٶندەۋدەن كەيٸن ٸشكٸ رەيستەر ٷشٸن پايدالانىلادى. Aل جاڭا تەرمينال ەسكٸ تەرمينالمەن جەر ٷستٸ ٶتكەلٸ ارقىلى جالعانادى. جاڭا تەرمينال جولاۋشىلارعا عيماراتتىڭ سىرتىنا شىقپاي-اق ٸشكٸ جەنە حالىقارالىق رەيستەرگە وڭاي بارۋعا مٷمكٸندٸك بەرەدٸ.
جولاۋشىلاردى شەكارا قىزمەتٸ جەلٸسٸ بويىنشا پاسپورتتىق باقىلاۋدان ٶتۋ كەزٸندە زاماناۋي جەنە قولايلى جاعدايمەن قامتاماسىز ەتۋ ٷشٸن جاڭا تەرمينالدا ۇشۋ ايماعىندا 20 كابينا (8 بٸرلٸككە كٶبەيتۋ), ۇشىپ كەلۋ ايماعىندا 32 كابينا (13 بٸرلٸككە كٶبەيتۋ), قازاقستان رەسپۋبليكاسىنىڭ ازاماتتارى ٷشٸن ۇشىپ كەتۋ-ۇشىپ كەلۋ ايماعىندا اۆتوماتتاندىرىلعان ٶتكٸزۋ جٷيەسٸ بويىنشا 4 بٸرلٸك جابدىق, 4 جٷك لەنتاسى, ىڭعايلى جٷرٸپ-تۇرۋى ٷشٸن جولاۋشىلارعا ارناپ اقپاراتتىق دٷڭگٸرشەكتەر ورناتىلادى.
بۇعان قوسا, ۇشىپ كەلۋ ايماعىنداعى 5-تەن 11-گە دەيٸن جەنە ۇشىپ كەتۋ ايماعىنداعى 4-تەن 7-گە دەيٸنگە دەيٸن كەدەندٸك پۋنكتتەر ۇلعايتىلادى.
قالا باسشىسىنىڭ جۇمىس ساپارى بارىسىندا ەۋەجايدىڭ جاڭا حالىقارالىق تەرمينالىنىڭ قۇرىلىسى تۋريزمدٸ دامىتۋدىڭ نەگٸزگٸ فاكتورىنىڭ بٸرٸ بولىپ تابىلاتىنى اتاپ ٶتٸلدٸ. قازٸرگٸ تەرمينالدى جاڭارتۋدى ەسكەرە وتىرىپ, الماتى حالىقارالىق ەۋەجايىنىڭ جالپى ٶتكٸزۋ قابٸلەتٸ جىلىنا 14 ميلليون جولاۋشىعا دەيٸن ۇلعايادى (2023 جىلدىڭ قورىتىندىسى بويىنشا ەۋەجايعا ٶتكٸزۋ قابٸلەتٸ 2,7 ملن. ادام بولعان كەزدە 9,5 ملن. ادام قىزمەت كٶرسەتتٸ).
جاڭا تەرمينالدىڭ تەلەسكوپييالىق باسقىشتارى بورتتىڭ كٶلەمٸنە بايلانىستى بٸر ۋاقىتتا جەتٸ ۇشاقتى قابىلداي الادى. وسىلايشا, بيىل شەتەلدٸك تۋريستەر سانى 520 مىڭ ادامعا, ال 2030 جىلعا قاراي 1 ملن.ادامعا دەيٸن ٶسەدٸ دەپ بولجانىپ وتىر.
ەربولات دوساەۆ جوعارى ەلەمدٸك ستاندارتتارعا سەيكەس كەلەتٸن ساپالى قۇرىلىس ماتەريالدارىن پايدالانۋ مەسەلەسٸنە ەرەكشە نازار اۋدارۋعا شاقىردى. الپ ەر تۋنگا ەرسويدىڭ ايتۋىنشا, نىسانداعى قۇرىلىس ماتەريالدارىنىڭ ساپاسىن باقىلاۋ انتالييا, تۋنيس, انكارا, سكوپە, زاگرەب جەنە ت.ب. سيياقتى ەۋەجايلاردا TAV Airports Holding كومپانيياسى ٸسكە اسىرعان جوبالاردىڭ ستاندارتتارى نەگٸزٸندە جٷرگٸزٸلەدٸ.
الماتى ەكٸمٸ جاڭا تەرمينالدىڭ قۇرىلىسىن وسى جىلدىڭ ماۋسىم ايىندا اياقتاۋدى تاپسىردى.
