Almaty qalasynyń Týrizm biýrosynyń qatysýymen jaqynda Almaty halyqaralyq áýejaiyndaǵy pasporttyq baqylaý aimaǵyndaǵy kabinalar jańartyldy, onda qazir kelgen qonaqtardy álemniń toǵyz tanymal tilinde: qazaq, orys, aǵylshyn, arab, qytai, frantsýz, italian, túrik jáne korei tilderinde qarsy alady.
Yńǵaily navigatsiia úshin ortalyq qala qiylystarynda 52 aqparattyq totem ornatyldy, onda kartadan basqa tanymal týristik baǵyttar týraly aqparattar bar.
Almatynyń týristik áleýetin damytý boiynsha jumys aiasynda biyl kólik toraptary qyzmetiniń qyzmetkerleri jáne týristermen tikelei ózara is-qimyl jasaityn sala mamandary aǵylshyn tili jáne qonaqjailylyq negizderi boiynsha oqytýdan ótedi.
«Kazakh Tourism "UK" AQ-men birlesip týristik qyzmetter kórsetý sapasyn arttyrýǵa baǵyttalǵan jáne úsh negizgi baǵytta-týroperatorlyq qyzmet, ornalastyrý oryndary men tamaqtaný pýnktterinde júzege asyrylatyn «Sapa belgisi» baǵdarlamasy iske asyrylýda. «Sapa belgisi» ulttyq standarttarǵa negizdelgen baǵdarlama talaptaryna sáikes keletin uiymdarǵa beriledi. Kelesi kezeńde Recommended by Visit Almaty óńirlik standartyn engizý josparlanyp otyr.
Aita keteiik, Visit Almaty – Almaty qalasy Týrizm basqarmasymen birlesip Almaty Tourism Bureau belsendi túrde nasihattaityn qalanyń týristik brendi. Týristerge yńǵaily bolý úshin qalada Visit Almaty 10 aqparattandyrý núktesi jumys isteidi, onda qyzyqty týrlar, bos ýaqytty durys ótkizý boiynsha usynymdar jáne Almaty jáne onyń ainalasy týraly basqa da paidaly aqparattar kásibi keńester, onyń ishinde kartalar, jolsiltemeler, taý baǵyttarynyń atlastary, týroperatorlardyń broshiýralaryn alýǵa bolady.
«Almaty Týrizm biýrosynyń» basshysy Kamila Luqpanova resmi ashylý barysynda, «Eger buryn týristik aqparattyq ortalyq negizinen aqparattyq-konsýltatsiialyq sipatta bolsa, endi Almaty Tourism Bureau týrizm salasyndaǵy sońǵy úrdisterdi eskeretin marketingtik kommýnikatsiialarǵa basa nazar aýdara otyryp, destinatsiiany ilgeriletý jónindegi naǵyz jobalyq keńsege ainaldy», - dep habarlady.
Almaty Tourism Bureau úshin sheteldegi týristermen jáne seriktestermen neǵurlym tiimdi ózara is-qimyldy qamtamasyz etý úshin onlain múmkindikterdi keńeitý de sheshýshi ról atqarady. Álemdik BAQ-pen ózara is-qimyl, Halyqaralyq kongresster men konferentsiialar qaýymdastyǵymen (International Congress and Convention Association, ICCA) áriptestik belsendi júrgizilýde. Biýro Almatydaǵy bastamalardy/is-sharalardy jan-jaqty qoldaidy (jýrnalistika kúni, Toyla music festival, «Almaty marafony», qala kúni, Arba Wine egin jinaý merekesi, festivaldar men kontsertter).
Biýro jumysynyń negizgi kórsetkishteri – qaita-qaita oralǵysy keletin saiahatshylar úshin jailylyqty, qaýipsizdikti jáne jarqyn áserlerdi qamtamasyz etý.
Esterińizge sala keteiik, «Almaty qalasynyń týristik aqparattyq ortalyǵy» 2017 jyly qurylǵan bolatyn. 5 jyl ishinde 10 aqparattyq núkte ashyldy, onda 100 myńnan astam týristke qyzmet kórsetildi. 2019 jyldyń sońynda uiym millionynshy týristpen kezdesti. TITs iri halyqaralyq kórmelerge jáne is-sharalarǵa qatysyp, Asia’s Leading city Break Destination 2019: Almaty, Kazakhstan nominatsiialary boiynsha world Travel Awards 2019 halyqaralyq baiqaýynda jeńimpaz atandy. Joǵaryda qabyldanǵan sharalar týristik aǵynnyń 2 eseden astam ósýine áser etti.
