الماتى قالاسىنىڭ تۋريزم بيۋروسىنىڭ قاتىسۋىمەن جاقىندا الماتى حالىقارالىق اۋەجايىنداعى پاسپورتتىق باقىلاۋ ايماعىنداعى كابينالار جاڭارتىلدى، وندا ءقازىر كەلگەن قوناقتاردى الەمنىڭ توعىز تانىمال تىلىندە: قازاق، ورىس، اعىلشىن، اراب، جۇڭگو، فرانسۋز، يتاليان، تۇرىك جانە كورەي تىلدەرىندە قارسى الادى.
ىڭعايلى ناۆيگاسيا ءۇشىن ورتالىق قالا قيىلىستارىندا 52 اقپاراتتىق توتەم ورناتىلدى، وندا كارتادان باسقا تانىمال تۋريستىك باعىتتار تۋرالى اقپاراتتار بار.
الماتىنىڭ تۋريستىك الەۋەتىن دامىتۋ بويىنشا جۇمىس اياسىندا بيىل كولىك توراپتارى قىزمەتىنىڭ قىزمەتكەرلەرى جانە تۋريستەرمەن تىكەلەي ءوزارا ءىس-قيمىل جاسايتىن سالا ماماندارى اعىلشىن ءتىلى جانە قوناقجايلىلىق نەگىزدەرى بويىنشا وقىتۋدان وتەدى.
«Kazakh Tourism "ۇك" اق-مەن بىرلەسىپ تۋريستىك قىزمەتتەر كورسەتۋ ساپاسىن ارتتىرۋعا باعىتتالعان جانە ءۇش نەگىزگى باعىتتا-تۋروپەراتورلىق قىزمەت، ورنالاستىرۋ ورىندارى مەن تاماقتانۋ پۋنكتتەرىندە جۇزەگە اسىرىلاتىن «ساپا بەلگىسى» باعدارلاماسى ىسكە اسىرىلۋدا. «ساپا بەلگىسى» ۇلتتىق ستاندارتتارعا نەگىزدەلگەن باعدارلاما تالاپتارىنا سايكەس كەلەتىن ۇيىمدارعا بەرىلەدى. كەلەسى كەزەڭدە Recommended by Visit Almaty وڭىرلىك ستاندارتىن ەنگىزۋ جوسپارلانىپ وتىر.
ايتا كەتەيىك، Visit Almaty – الماتى قالاسى تۋريزم باسقارماسىمەن بىرلەسىپ Almaty Tourism Bureau بەلسەندى تۇردە ناسيحاتتايتىن قالانىڭ تۋريستىك برەندى. تۋريستەرگە ىڭعايلى بولۋ ءۇشىن قالادا Visit Almaty 10 اقپاراتتاندىرۋ نۇكتەسى جۇمىس ىستەيدى، وندا قىزىقتى تۋرلار، بوس ۋاقىتتى دۇرىس وتكىزۋ بويىنشا ۇسىنىمدار جانە الماتى جانە ونىڭ اينالاسى تۋرالى باسقا دا پايدالى اقپاراتتار كاسىبي كەڭەستەر، ونىڭ ىشىندە كارتالار، جولسىلتەمەلەر، تاۋ باعىتتارىنىڭ اتلاستارى، تۋروپەراتورلاردىڭ بروشيۋرالارىن الۋعا بولادى.
«الماتى تۋريزم بيۋروسىنىڭ» باسشىسى كاميلا لۇقپانوۆا رەسمي اشىلۋ بارىسىندا، «ەگەر بۇرىن تۋريستىك اقپاراتتىق ورتالىق نەگىزىنەن اقپاراتتىق-كونسۋلتاسيالىق سيپاتتا بولسا، ەندى Almaty Tourism Bureau تۋريزم سالاسىنداعى سوڭعى ۇردىستەردى ەسكەرەتىن ماركەتينگتىك كوممۋنيكاسيالارعا باسا نازار اۋدارا وتىرىپ، دەستيناسيانى ىلگەرىلەتۋ جونىندەگى ناعىز جوبالىق كەڭسەگە اينالدى»، - دەپ حابارلادى.
Almaty Tourism Bureau ءۇشىن شەتەلدەگى تۋريستەرمەن جانە سەرىكتەستەرمەن نەعۇرلىم ءتيىمدى ءوزارا ءىس-قيمىلدى قامتاماسىز ەتۋ ءۇشىن ونلاين مۇمكىندىكتەردى كەڭەيتۋ دە شەشۋشى ءرول اتقارادى. الەمدىك باق-پەن ءوزارا ءىس-قيمىل، حالىقارالىق كونگرەسستەر مەن كونفەرەنسيالار قاۋىمداستىعىمەن (International Congress and Convention Association، ICCA) ارىپتەستىك بەلسەندى جۇرگىزىلۋدە. بيۋرو الماتىداعى باستامالاردى/ءىس-شارالاردى جان-جاقتى قولدايدى (جۋرناليستيكا كۇنى، Toyla music festival، «الماتى مارافونى»، قالا كۇنى، Arba Wine ەگىن جيناۋ مەرەكەسى، فەستيۆالدار مەن كونسەرتتەر).
بيۋرو جۇمىسىنىڭ نەگىزگى كورسەتكىشتەرى – قايتا-قايتا ورالعىسى كەلەتىن ساياحاتشىلار ءۇشىن جايلىلىقتى، قاۋىپسىزدىكتى جانە جارقىن اسەرلەردى قامتاماسىز ەتۋ.
ەستەرىڭىزگە سالا كەتەيىك، «الماتى قالاسىنىڭ تۋريستىك اقپاراتتىق ورتالىعى» 2017 جىلى قۇرىلعان بولاتىن. 5 جىل ىشىندە 10 اقپاراتتىق نۇكتە اشىلدى، وندا 100 مىڭنان استام تۋريستكە قىزمەت كورسەتىلدى. 2019 جىلدىڭ سوڭىندا ۇيىم ميلليونىنشى تۋريستپەن كەزدەستى. تيس ءىرى حالىقارالىق كورمەلەرگە جانە ءىس-شارالارعا قاتىسىپ، Asia’s Leading city Break Destination 2019: Almaty، Kazakhstan نوميناسيالارى بويىنشا world Travel Awards 2019 حالىقارالىق بايقاۋىندا جەڭىمپاز اتاندى. جوعارىدا قابىلدانعان شارالار تۋريستىك اعىننىڭ 2 ەسەدەن استام وسۋىنە اسەر ەتتى.
