Almatydaǵy azyq-túlik dúkeniniń iesi Iýsýf Gýseinov 12 jyl boiy óz biznesiniń ainalasyn jasyl jelekke malyndyryp, ainalasyn ásem baqqa ainaldyryp keledi. Qalaǵa degen súiispenshilikten shabyttanyp, ol dúken ǵimaratynyń artyndaǵy qaraýsyz qalǵan jerdi gúldengen oaziske ainaldyryp, týia aǵashyn, raýshan gúlin otyrǵyzýdy ádetke ainaldyrǵan, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Almaty qala ákimdigi Iýsýf myrzanyń «Turatyn, jumys isteitin jerińdi qurmette ári baǵala» degen bastamasyna qoldaý bildirdi.
Búgin «Taza Qazaqstan» baǵdarlamasynyń arqasynda 2 myńǵa jýyq almatylyq kásipker kórshiles aýmaqtardy kútip ustaý boiynsha mindettemelerdi óz moinyna alyp, abattandyrý pasporttaryna qol qoidy.
Almatyda abattandyrý nysandaryn pasporttaý 6 myńnan astam nysandy qamtidy jáne 2025 jyldyń sáýir aiynda aiaqtalady. Bul protsess úsh kezeńnen turady jáne magistraldyq kósheler men qalalyq jáne aýdandyq mańyzy bar kóshelerdegi obektilerge áser etedi.
Osylaisha Iýsýf Gýseinovtiń ómirlik ustanymy myńdaǵan almatylyqqa ómirlik sabaq bolýda.
– Ǵimarattyń artynda qoqys konteinerleri ornalasqan qaraýsyz qalǵan aýmaq bolatyn. Sol jerde úlken shuńqyr bar edi. Konteinerlerdi alyp tastady, sodan keiin men topyraq tasyp, aýmaqty tegistep, kóshetter men gúlderdi ege bastadym, – deidi Iýsýf Gýseinov.
– Ákem árqashan meni turǵan jáne jumys isteitin jerińde tártip pen sulýlyq bolýy kerek dep úiretetin. Adamdar ainala taza jáne uqypty bolǵanda, ózderin jaqsy sezinedi, – deidi Iýsýftiń uly Elnur Gýseinov.
Búginde Almatyda nysandardy pasporttaý úsh kezeńge bólinip iske asýda. Jaqynda bastalǵan birinshi kezeńde magistraldi kóshelerdegi 1,5 myńnan astam nysan qamtyldy. Ekinshi kezeńde qalalyq mańyzy bar kóshelerdegi nysandar pasporttalmaqshy, al úshinshi kezeńde aýdandyq mańyzy bar kóshelerdegi nysandar abattandyrý pasporttaryna ie bolady.
Buǵan deiin Almatyda respýblikalyq «Taza Qazaqstan» baǵdarlamasy men qalalyq «Almaty – bizdiń ortaq úiimiz» jobasy aiasynda ekologiialyq jaǵdaidy jaqsartý men megapolisti kógaldandyrýǵa baǵyttalǵan aýqymdy ekoaktsiia ótken bolatyn. «Jarqyn kúz» dep atalatyn bul naýqanǵa qaladaǵy barlyq 8 aýdannyń turǵyndary belsendi qatysyp, kóshelerdi tazalaý jáne aǵash otyrǵyzý jumystaryn júrgizdi.
