Koreia Respýblikasynyń astanasy Seýlde 5-8 maýsym aralyǵynda Aziiadaǵy eń iri týristik kórmelerdiń biri — Seoul International Tourism Fair (SITF 2025) ótti,- dep habarlaidy Dalanews.kz
Kórmege 800-ge jýyq týristik sala ókilderi, sonyń ishinde ulttyq týristik agenttikter, týroperatorlar jáne 70 eldiń qonaq úi jelileri qatysty.
Almaty stendi kelýshiler men sarapshylardyń nazaryn erekshe aýdardy, al kórme sońynda «SITF 2025 stendiniń úzdik dizainy» qurmetti marapatyna ie boldy.
Kórme qonaqtary dombyrashylardyń ónerin, qoldanbaly óner sheberhanalaryn, qazaq ulttyq kiimderi qoiylǵan foto jáne gastronomiialyq aimaqtardy qamtityn bai interaktivti baǵdarlamanyń arqasynda Almatynyń qazaq mádenieti men rýhynyń aýanyn tamashalai aldy.
Stendtiń jeke ereksheligi immersivti marketingti qoldaný boldy, onda kelýshiler VR-kózildirik arqyly Almatyǵa virtýaldy saiahat jasai alady.
«SITF 2025 kórmesine qatysý Almatyny Ońtústik Koreia men halyqaralyq naryqta biregei týristik baǵyt retinde ilgeriletýdegi mańyzdy qadam boldy. Is - shara barysynda qazaqstandyq jáne sheteldik týroperatorlar arasynda B2B kezdesýler ótkizilip, qalamyzǵa 21 myńǵa jýyq týristti tartýdy kózdeitin yntymaqtastyq týraly 30 kelisimshartqa qoiyldy», - dep atap ótti Almaty qalasy Týrizm basqarmasynyń taldaý jáne strategiialyq josparlaý bóliminiń basshysy Maqpal Ábdiqadyr.
Óz kezeginde kórme qonaqtary Almatyǵa úlken qyzyǵýshylyq tanytty.
«Biz úshin Ortalyq Aziiadaǵy osy ásem qala óte qyzyqty týristik baǵyt bolyp tabylady. Meniń oiymsha, Almaty-taýlardyń etegindegi biregei qala ári onyń zamanaýi damýy ulttyq rýhqa óte bai eken. Bir kezde osy arý qalada bolamyn dep úmittenemin», - dep óz oiymen bólisti Seýl turǵyny Kim Djiiýn.
Aita keteiik, ońtústik koreialyq týristerdiń Almatyǵa degen qyzyǵýshylyǵy jyl saiyn artyp keledi: 2024 jyly Koreia Respýblikasynan kelgen týrister sany 20114 adamǵa deiin ulǵaidy, bul 2023 jylmen salystyrǵanda 3,2%-ǵa kóp.
Bul Almatynyń týristik tartymdylyǵyn nyǵaitý jáne álemniń ár túkpirinen, sonyń ishinde Koreia Respýblikasynan keletinderdiń geografiiasyn keńeitý jónindegi marketingtik naýqannyń negizgi elementteriniń biri.
