Almaty qalasynyń qutqarýshylary iri saýda nysandarynyń biri – «Alataý» bazarynda kezekti profilaktikalyq is-shara uiymdastyrdy,- dep habarlaidy Dalanews.kz
Is-sharanyń negizgi maqsaty – jer silkinisi kezinde is-qimyl algoritmin eske salýmen qatar, halyqtyń qaýipsizdik salasyndaǵy bilimin tájiribe júzinde bekitý boldy. Qutqarýshylar ashyq suhbat formatynda bazar qyzmetkerlerine evakýatsiialaý kezinde ǵimarattan shyǵý tártibin, sondai-aq qaýipsiz aimaqqa bet alǵan kezde nazar aýdarýǵa tiis jaittardy túsindirdi.
Sonymen qatar, mamandar «dabyl shabadany» mańyzdylyǵyna toqtaldy. Qatysýshylarǵa onyń quramyna enýi qajet negizgi qujattar men birinshi qajettiliktegi zattar jóninde jan-jaqty aqparat berildi. Bul óz kezeginde tótenshe jaǵdai týyndaǵan sátte azamattardyń ǵimaratty jedel tastap shyǵýyna ári ózderi men jaqyndarynyń qaýipsizdigin qamtamasyz etýine múmkindik beredi.
Profilaktikalyq sharanyń praktikalyq paidasy tsifrlyq formatta da kórinis tapty. Bazar qyzmetkerleriniń basym bóligi óz uialy telefondaryna «Almaty TJ» mobildi qosymshasyn ornatyp, yqtimal qaýip-qaterler jónindegi jedel habarlamalardy alý jáne azamattyq qorǵaý boiynsha oqý-ádistemelik materialdarmen tanysý múmkindigine ie boldy.
