الماتى قالاسىنىڭ قۇتقارۋشىلارى ٸرٸ ساۋدا نىساندارىنىڭ بٸرٸ – «الاتاۋ» بازارىندا كەزەكتٸ پروفيلاكتيكالىق ٸس-شارا ۇيىمداستىردى,- دەپ حابارلايدى Dalanews.kz
ٸس-شارانىڭ نەگٸزگٸ ماقساتى – جەر سٸلكٸنٸسٸ كەزٸندە ٸس-قيمىل الگوريتمٸن ەسكە سالۋمەن قاتار, حالىقتىڭ قاۋٸپسٸزدٸك سالاسىنداعى بٸلٸمٸن تەجٸريبە جٷزٸندە بەكٸتۋ بولدى. قۇتقارۋشىلار اشىق سۇحبات فورماتىندا بازار قىزمەتكەرلەرٸنە ەۆاكۋاتسييالاۋ كەزٸندە عيماراتتان شىعۋ تەرتٸبٸن, سونداي-اق قاۋٸپسٸز ايماققا بەت العان كەزدە نازار اۋدارۋعا تيٸس جايتتاردى تٷسٸندٸردٸ.
سونىمەن قاتار, ماماندار «دابىل شابادانى» ماڭىزدىلىعىنا توقتالدى. قاتىسۋشىلارعا ونىڭ قۇرامىنا ەنۋٸ قاجەت نەگٸزگٸ قۇجاتتار مەن بٸرٸنشٸ قاجەتتٸلٸكتەگٸ زاتتار جٶنٸندە جان-جاقتى اقپارات بەرٸلدٸ. بۇل ٶز كەزەگٸندە تٶتەنشە جاعداي تۋىنداعان سەتتە ازاماتتاردىڭ عيماراتتى جەدەل تاستاپ شىعۋىنا ەرٸ ٶزدەرٸ مەن جاقىندارىنىڭ قاۋٸپسٸزدٸگٸن قامتاماسىز ەتۋٸنە مٷمكٸندٸك بەرەدٸ.
پروفيلاكتيكالىق شارانىڭ پراكتيكالىق پايداسى تسيفرلىق فورماتتا دا كٶرٸنٸس تاپتى. بازار قىزمەتكەرلەرٸنٸڭ باسىم بٶلٸگٸ ٶز ۇيالى تەلەفوندارىنا «الماتى تج» موبيلدٸ قوسىمشاسىن ورناتىپ, ىقتيمال قاۋٸپ-قاتەرلەر جٶنٸندەگٸ جەدەل حابارلامالاردى الۋ جەنە ازاماتتىق قورعاۋ بويىنشا وقۋ-ەدٸستەمەلٸك ماتەريالدارمەن تانىسۋ مٷمكٸندٸگٸنە يە بولدى.
