Almaty qalasy 2025–2026 jyldardyń qysqy kezeńine tolyq daiyndalýda. Qala ákimdigi men Tótenshe jaǵdailar departamenti tabiǵi jáne tehnogendik sipattaǵy yqtimal qaýipterdiń aldyn alý úshin keshendi jumystar júrgizýde, dep habarlaidy Dalanews.kz.
Almaty qalasynyń TJD habarlaýynsha, búginde qys mezgilinde bolýy múmkin tótenshe jaǵdailardyń saldaryn joiýǵa 48 myńnan astam adam, qutqarý tehnikalary men arnaiy quraldar daiyn tur. Bul toptyń quramyna:
-
azamattyq qorǵanys kúshteri,
-
jedel-qutqarý jasaqtary,
-
kommýnaldyq qyzmetter,
-
energetika, jol, meditsina jáne ózge de sala mamandary kiredi.
Mamandar qysta jii kezdesetin qaýipter – qar qursaýynda qalý, kóshkin, sýyqtan bolatyn apattar, jylý júielerindegi aqaýlar siiaqty jaǵdailarǵa jedel áreket etýge ázir.
Qalalyq deńgeidegi oqý-jattyǵý: 9 stsenarii boiynsha daiyndyq
7 qarasha kúni Almatyda aýqymdy komandalyq-shtabtyq oqý-jattyǵý ótti. Jattyǵý barysynda tótenshe jaǵdailarda kúshterdiń ózara árekettesý algoritmderi tekserildi.
Taktikalyq jospar aiasynda barlyǵy 9 oqý stsenariii oryndaldy. Olardyń ishinde:
-
JEO-daǵy shartty apatty joiý,
-
Avariialyq jylýmen qamtý júiesin iske qosý,
-
Zardap shekkenderdi qabyldaý pýnktin ornalastyrý,
-
«Shymbulaqta» qutqarý jumystaryn júrgizý,
-
Qar kóshkininiń astynda qalǵan adamdy izdeý.
Bul jattyǵýlar tótenshe jaǵdai kezinde túrli qyzmetterdiń úilesimdi jumys istei alatynyn kórsetti.
Almaty taýlarynda 165 kóshkin qaýpi bar aimaq bar
Almaty qalasy TJD málimetinshe, qalaǵa qarasty taýly aimaqtarda 165 qar kóshkini júrýi múmkin ýchaske anyqtalǵan. Onyń 33-i – asa qaýipti. Qaýiptiń aldyn alý úshin:
-
«Qazgidromet» kún saiyn daýyldy eskertýler jariialap, turǵyndardy aqparattandyrady;
-
Respýblikalyq “Qazseldenqorǵaý” mekemesi qys boiy kóshkinniń profilaktikalyq túsirilýin qamtamasyz etedi;
-
taýly aimaqtardaǵy qaýip deńgeii turaqty baqylaýda.
Jylý júieleri - erekshe baqylaýda
Qys bastalǵannan beri qalanyń jylýmen qamtamasyz etý nysandaryna baqylaý kúsheitilgen. Mamandar jylý jelileriniń tehnikalyq jaǵdaiyn tekserip, aqaýlardyń aldyn alý sharalaryn atqarýda. JEO-larda jáne magistraldyq qubyrlarda monitoring júieli túrde júrgizilip keledi.
Turǵyndardyń qaýipsizdik mádenietin arttyrý - basty mindet
Almaty qalasy TJD-nyń basym baǵyttarynyń biri – azamattardyń qaýipsizdik boiynsha bilimin arttyrý. Departament júieli túrde:
-
mektepter men joǵary oqý oryndarynda sabaqtar ótkizedi,
-
oqytý treningterin uiymdastyrady,
-
turǵyndarǵa TJ kezindegi durys áreket etý erejelerin túsindiredi.
Qysqy kezeńde mundai bilimniń asa mańyzdy ekenin mamandar erekshe atap ótedi. Sebebi qarly boran, kóktaiǵaq, gazben ýlaný, kóshkin siiaqty qaýipter jiileidi.
