Almaty qalasy Ekonomıka basqarmasynyń málimetinshe aǵymdaǵy jyldyń birinshi jartyjyldyǵynda Almatyda SHOB ónimin shyǵarý 28,4%-ǵa 5,5 trln teńgege deıin ulǵaıǵan. Qańtar-qyrkúıekte jumys istep turǵan SHOB sýbektileriniń sany 6,2%-ǵa 361,1 myń birlikke deıin ósti, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.
Basqarmanyń boljamy boıynsha, Almaty qalasyndaǵy SHOB-ty qoldaý 2025 jylǵa arnalǵan búdjeti 20%-ǵa 2,1 trln teńgege deıin ulǵaıady.
– SHOB-ty qoldaý úshin 2024 jyly memlekettik búdjetten sýbsıdıalaýǵa, kepildik berýge jáne kredıtteýge 53,1 mlrd teńge bólindi. 2024 jyldyń 9 aıynda 113,1 mlrd teńge nesıe somasyna 1,7 myń jańa SHOB jobasyna qoldaý kórsetildi, ótken jyldary maquldanǵan 2 myńnan astam jobanyń syıaqy mólsherlemesiniń bir bóligin sýbsıdıalaý túrinde qoldaý alýdy jalǵastyrýda, – dep habarlady ekonomıka basqarmasy.
Bul Almatynyń JİÓ-degi SHOB úlesin 2024 jyly 60%-ǵa deıin, 2025 jyly 62%-ǵa deıin ulǵaıtýǵa yqpal etedi. 2024 jyldyń birinshi toqsanynda SHOB úlesi 55,2%-dy qurady.
Almaty qalasy Ekonomıka basqarmasynyń habarlaýynsha, ındýstrıaldy jáne arnaıy ekonomıkalyq aımaqtar alańdarynda jalpy somasy 452 mlrd teńgege 87 ınvestısıalyq joba iske asyrylýda. 2024 jyly 4,5 myń jańa jumys ornyn qurýmen 220 mlrd teńge somasyna 40 joba iske asatyn bolady.
Qazirgi tańda Almaty qalasynda shaǵyn jáne orta bıznes ekonomıka men qoǵamnyń damýynyń negizgi qozǵaýshy kúshine aınalyp otyr. Shaǵyn jáne orta bıznes qala ekonomıkasynyń shamamen 60%-yn qurap, halyqty jumyspen qamtýdyń negizgi kóz bolýda. Bul rette Almatyda SHOB sýbektileriniń sany 260 myńnan asyp, olardyń qala ekonomıkasyndaǵy úlesi turaqty túrde ósýde. Almaty qalasy Ekonomıka basqarmasy SHOB-tyń jalpy ónimdilik kórsetkishi 2023 jylmen salystyrǵanda 5%-ǵa artyp, 2,8 trln teńgege jetkenin jarıa etti.
Almatyda SHOB salasynda jumys isteıtin adamdardyń sany 700 myńnan asyp jyǵylady. Bul qala turǵyndarynyń 60%-dan astamyn jumyspen qamtýda ekenin kórsetedi. Sońǵy ýaqyttary shaǵyn jáne orta bıznes salasynda áıelder kásipkerliginiń úlesi aıtarlyqtaı óskenin baıqaýǵa bolady. Bul óz kezeginde genderlik teńdikti nyǵaıtýǵa yqpal etetini sózszi. .
Almaty ákimdigi «Almaty Business – 2024» baǵdarlamasy arqyly shaǵyn jáne orta bızneske qarjylaı jáne ákimshilik qoldaý kórsetýdi jalǵastyrýda. Kásipkerlerge 1%-dan 5%-ǵa deıingi jeńildetilgen nesıeler berilip, qala aýdandaryndaǵy shaǵyn kásipkerlerge arnalǵan arendalyq tólemderdi sýbsıdıalaýda.
Almaty qalasynda shaǵyn jáne orta bıznesti damytý eldiń ekonomıkalyq turaqtylyǵyn qamtamasyz etýde jáne qoǵamnyń ál-aýqatyn jaqsartýda mańyzdy ról atqardy. Memlekettik qoldaý, sıfrlandyrý, jasyl ekonomıkaǵa kóshý jáne kásipkerlik mádenıettiń damýy arqyly Almaty SHOB-ty damytýda Qazaqstannyń úlgili qalasy retinde óz pozısıasyn nyǵaıta túsýde. Aldaǵy jyldary bul salanyń odan ári damýy qala ekonomıkasynyń básekege qabilettiligin arttyryp, Almatynyń álemdik deńgeıdegi bıznes ortalyqqa aınalýyna yqpal etetin bolady.
